Býdapeshtte aiaqtalǵan Gran-pri týrniriniń kúmis júldegeri Eldos Jumaqanovtyń aitýynsha, qolda turǵan altynnan óz qateligi saldarynan aiyrylyp qalǵan, dep habarlaidy Olympic.kz.
«Gran-pri týrniriniń kúmis júldegeri atandym. Qate ózimnen ketti. "Áne laqtyramyn, mine laqtyramyn" dep ózime tym senimdi bolyp kettim. Qarsylasty ailama túsirem dep júrgende ózim taza jeńildim. Qolda turǵan altyn edi. Buiyrǵany kúmis boldy. Bul jerde ózimniń qateligim tusaý boldy. Mundai sátte óz kúshińe senip ketkenniń de saldary bar. Degenmen, esh jasymai, aldaǵy jarystarǵa daiyndalamyz», - deidi Jumaqanov.
Eske sala ketsek, Gran-pri týrniriniń finalynda Eldos Jumaqanov mońǵoliialyq Ganbolt Herlenmen kezdesip, «altyn upaiǵa» sozylǵan jekpe-jekte jeńilip qalǵan edi.
