بۋداپەشتتە اياقتالعان گران-پري تۋرنيرٸنٸڭ كٷمٸس جٷلدەگەرٸ ەلدوس جۇماقانوۆتىڭ ايتۋىنشا, قولدا تۇرعان التىننان ٶز قاتەلٸگٸ سالدارىنان ايىرىلىپ قالعان, دەپ حابارلايدى Olympic.kz.
«گران-پري تۋرنيرٸنٸڭ كٷمٸس جٷلدەگەرٸ اتاندىم. قاتە ٶزٸمنەن كەتتٸ. "ەنە لاقتىرامىن, مٸنە لاقتىرامىن" دەپ ٶزٸمە تىم سەنٸمدٸ بولىپ كەتتٸم. قارسىلاستى ايلاما تٷسٸرەم دەپ جٷرگەندە ٶزٸم تازا جەڭٸلدٸم. قولدا تۇرعان التىن ەدٸ. بۇيىرعانى كٷمٸس بولدى. بۇل جەردە ٶزٸمنٸڭ قاتەلٸگٸم تۇساۋ بولدى. مۇنداي سەتتە ٶز كٷشٸڭە سەنٸپ كەتكەننٸڭ دە سالدارى بار. دەگەنمەن, ەش جاسىماي, الداعى جارىستارعا دايىندالامىز», - دەيدٸ جۇماقانوۆ.
ەسكە سالا كەتسەك, گران-پري تۋرنيرٸنٸڭ فينالىندا ەلدوس جۇماقانوۆ موڭعولييالىق گانبولت حەرلەنمەن كەزدەسٸپ, «التىن ۇپايعا» سوزىلعان جەكپە-جەكتە جەڭٸلٸپ قالعان ەدٸ.
