Jambyl oblysynyń ákimi Berdibek Saparbaev Tokio Olimpiadasynyń qola júldegeri, dziýdo sheberi Eldos Smetovti qabyldady, dep habarlaidy "Ult aqparat".
Kezdesýde aimaq basshysy sportshynyń jetistikterin joǵary baǵalap, ol tek Jambyl oblysynyń ǵana emes, elimizdiń namysyn abyroily qorǵap, mereiin tasytyp júrgenin airyqsha atap ótti.
«Jambyl jerinen shyqqan sport sańlaqtary az emes. Solardyń biri de biregeii – Eldos Smetov dep bilemiz. Seniń jetistigiń, sporttaǵy tabystaryń – búgingi jas býynǵa úlgi-ónege. Sen ózińniń myqty sportshy ekenindi taǵy da dáleldei tústiń. Barsha jankúierlerdiń úmitin aqtadyń», - dedi Berdibek Saparbaev.
Sondai-aq, oblys ákimi Eldos Smetovke jańa avtokóliktiń kiltin tabystap, aldaǵy ýaqytta da el sportyń damytý jolyndaǵy eleýli eńbegine sáttilik tiledi. Al, jattyqtyrýshysy Ǵalymjan Jylgeldievke 1 million teńgeniń sertifikaty tabys etildi.
Óz kezeginde dziýdoshy da qurmet bildirgen oblys basshylyǵyna alǵysyn jetkizdi.
