Foto: ashyq derekkóz
Parij Olimpiadasynyń chempiony Eldos Smetov ózine syilanǵan qymbat kóligin satýǵa sheshim qabyldady, dep habarlaidy Ult.kz Sportinside.kz saityna silteme jasap.
Belgili dziýdoshy Instagram jelisindegi stories bóliminde kóliginiń sýretin jariialap, ony satylymǵa shyǵarǵanyn habarlaǵan. Sportshy jazbasynda bolashaq iesine "juǵysty bolsyn" degen tilek bildiripti.
Kolesa.kz saityndaǵy málimetke súiensek, Smetov satylymǵa qoiǵan kólik – Mercedes AMG GLE markaly premiým kólik. Baǵasy – 45 million teńge. Jarnamada kólik «jaqsy jaǵdaida» ekeni jáne satylym shuǵyl túrde júrgizilip jatqany kórsetilgen.
Aita keteiik, bul avtokólik Eldos Smetovke 2024 jylǵy Parij Olimpiadasyndaǵy jeńisinen keiin kásipker Jumabek Janyqulov (telejúrgizýshi Dinara Sátjannyń jubaiy) tarapynan syiǵa tartylǵan bolatyn.
