Foto: Aleksandr Pavskii/ Kazinform
Kásiporyn taratqan derekterge qaraǵanda, búgin respýblika aýmaǵynyń basym bóliginiń kún raiyn tsiklon jáne soǵan bailanysty atmosferalyq frontaldy bólikter aiqyndaidy. Nátijesinde eldiń basym bóliginde naizaǵai oinap, jańbyr jaýady, jel kúsheiedi, batysta, soltústikte, shyǵysta burshaq jaýady, soltústikte jáne shyǵysta daýyl bolady. Tek respýblikamyzdyń ońtústiginde, ońtústik-shyǵysynda, ortalyǵynda kóbinese kún jaýyn-shashynsyz bolady. Túngi jáne tańerteńgi saǵattarda Qazaqstannyń soltústiginde tuman túsedi.
Abai oblysynyń shyǵysynda, Atyraý oblysynyń ońtústiginde, batysynda, Pavlodar oblysynyń batysynda, Soltústik Qazaqstan, Shyǵys Qazaqstan, Aqtóbe oblystarynyń ońtústiginde, Mańǵystaý oblysynyń batysynda, ońtústiginde, Mańǵystaý oblysynyń batysynda ońtústiginde, ortalyǵynda, Ulytaý oblysynyń ortalyǵynda joǵary órt qaýpi saqtalady.
Almaty, Jambyl, Qyzylorda, Túrkistan, Jetisý oblystarynda, Qaraǵandy, Ulytaý oblystarynyń batysynda, shyǵysynda, ońtústiginde, Aqtóbe oblysynyń ortalyǵynda, Mańǵystaý oblysynyń soltústik-batysynda, Qostanai oblysynyń ońtústik-batysynda, Abai oblysynyń ońtústiginde tótenshe órt qaýpi saqtalady.
