Foto: depositphotos.com
Sinoptikter 9-11 qarashada aýa raiy qandai bolatyny týraly boljam jasady, - dep habarlaidy "Ult aqparat".
Boljamǵa sáikes, barikalyq alqaptardyń tez ózgerýine bailanysty aldaǵy úsh táýlikte Qazaqstannyń basym bóliginde aýa raiynyń turaqsyz sipaty saqtalady. Jańbyr men qar túrinde jaýyn-shashyn bolady.
"9 qarashada ońtústikte, 10 qarashada batysta jańbyr, 9-10 qarashada ońtústik-shyǵysta, 11 qarashada eldiń shyǵysynda jaýyn-shashyn (jańbyr, qar túrinde) bolady dep kútiledi. Respýblika boiynsha jel kúsheiip, túngi jáne tańǵy ýaqytta tuman túsedi. Eldiń soltústik-batysynda, soltústiginde, ortalyǵynda jáne shyǵysynda kóktaiǵaq bolady dep boljanǵan.
Kezeńniń aiaǵyna qarai Qazaqstannyń ońtústik-shyǵysynda túnde aýa temperatýrasy 2 gradýstan aiazdan 3 gradýsqa jylyǵa deiin, taýly aimaqtarda 5-10 gradýsqa aiazǵa deiin tómendeidi", - delingen habarlamada.
