Almatydaǵy alyp "Tiin" art-nysanyn jasap shyǵarǵandar onyń quny týraly aitty. Dúisenbi kúni 12 metrlik músinniń tusaýkeseri ótken – ol "Atakent" iskerlik yntymaqtastyq ortalyǵy aldyndaǵy alańǵa ornatyldy, dep habarlaidy sputniknews.kz.
"Tiinniń quny 23 million teńge (66,5 myń dollardan astam) — 15 milliony memleket tarapynan jumsaldy, qalǵan 8 million — Funk", — dedi Funk kreativti agenttiginiń basshysy Maira Izmailova. Onyń aitýynsha, shyǵyndy agenttik pen qala biýdjeti bólip tólegen.
Barlyǵy 16 art-nysannyń baǵasy 78 million teńge bolyp shyqty.
"Osyndai jaǵymdy nátije beri jatqanyna qýanamyz. Daiyn úlgilerdi ala salmai, jergilikti dizainerler arasynda konkýrs ótkizgenimiz jaqsy boldy", — dedi mádeniet basqarmasy basshynyń orynbasary Náila Múlikova.
Tiindi jasap shyǵarýshylardyń biri Mariýs Iansen Van Výýren art-nysanǵa qansha saban men metall ketkenin aityp berdi.
"Músinniń jalpy biiktigi 12 metrdei. Jasap shyǵarý úshin 7 tonna metall, 3,5-4 tonna aǵash jumsadyq. Sonsha mólsherde saban ketti. Barlyq bólshekterin qos eseptegende shamamen salmaǵy 12-13 tonna", — dedi ol.
Tiinniń músinin jasaýǵa toǵyz ai ketken kórinedi.
"Jaǵdaiy ne bolatynyn kóremiz. Barlyq janýar siiaqty ol da ózgeredi", — deidi britandyq sýretshi, art-nysannyń avtory Aleks Rinsler.
