الماتىداعى الىپ "تيٸن" ارت-نىسانىن جاساپ شىعارعاندار ونىڭ قۇنى تۋرالى ايتتى. دٷيسەنبٸ كٷنٸ 12 مەترلٸك مٷسٸننٸڭ تۇساۋكەسەرٸ ٶتكەن – ول "اتاكەنت" ٸسكەرلٸك ىنتىماقتاستىق ورتالىعى الدىنداعى الاڭعا ورناتىلدى, دەپ حابارلايدى sputniknews.kz.
"تيٸننٸڭ قۇنى 23 ميلليون تەڭگە (66,5 مىڭ دوللاردان استام) — 15 ميلليونى مەملەكەت تاراپىنان جۇمسالدى, قالعان 8 ميلليون — Funk", — دەدٸ Funk كرەاتيۆتٸ اگەنتتٸگٸنٸڭ باسشىسى مايرا يزمايلوۆا. ونىڭ ايتۋىنشا, شىعىندى اگەنتتٸك پەن قالا بيۋدجەتٸ بٶلٸپ تٶلەگەن.
بارلىعى 16 ارت-نىساننىڭ باعاسى 78 ميلليون تەڭگە بولىپ شىقتى.
"وسىنداي جاعىمدى نەتيجە بەرٸ جاتقانىنا قۋانامىز. دايىن ٷلگٸلەردٸ الا سالماي, جەرگٸلٸكتٸ ديزاينەرلەر اراسىندا كونكۋرس ٶتكٸزگەنٸمٸز جاقسى بولدى", — دەدٸ مەدەنيەت باسقارماسى باسشىنىڭ ورىنباسارى نەيلا مٷلٸكوۆا.
تيٸندٸ جاساپ شىعارۋشىلاردىڭ بٸرٸ ماريۋس يانسەن ۆان ۆۋۋرەن ارت-نىسانعا قانشا سابان مەن مەتالل كەتكەنٸن ايتىپ بەردٸ.
"مٷسٸننٸڭ جالپى بيٸكتٸگٸ 12 مەتردەي. جاساپ شىعارۋ ٷشٸن 7 توننا مەتالل, 3,5-4 توننا اعاش جۇمسادىق. سونشا مٶلشەردە سابان كەتتٸ. بارلىق بٶلشەكتەرٸن قوس ەسەپتەگەندە شامامەن سالماعى 12-13 توننا", — دەدٸ ول.
تيٸننٸڭ مٷسٸنٸن جاساۋعا توعىز اي كەتكەن كٶرٸنەدٸ.
"جاعدايى نە بولاتىنىن كٶرەمٸز. بارلىق جانۋار سيياقتى ول دا ٶزگەرەدٸ", — دەيدٸ بريتاندىق سۋرەتشٸ, ارت-نىساننىڭ اۆتورى الەكس رينسلەر.
