Jeksenbide Aýǵanstan prezidenti Ashraf Ǵani Facebook-tegi paraqshasynda qantógisti boldyrmaý úshin elden ketkenin málimdedi. Bul týraly VVS agenttigi habarlady.
«Búgin men qiyn tańdaý jasadym. Ol - saraiǵa basyp kirýge umtylǵan qarýly táliptermen betpe-bet kezdesý nemese sońǵy 20 jylymdy qorǵaýǵa arnaǵan tamasha elimdi tastap ketý», - dep jazady prezident.
Ganidiń paiymdaýynsha, eger ol Aýǵanstandy tastap ketpese, tálipter Kabýlǵa shabýyl jasar edi. Tiisinshe, bul beibit turǵyndardyń qan tógýine soqtyrady.
El basshysynyń aitýynsha, tálipter "qylysh pen qarý-jaraq shaiqasynda" jeńiske jetti jáne endi óz otandastarynyń namysy men bailyǵyn qorǵaýǵa tolyq jaýapkershilikti alady.
«Biraq olar júrekterdi jaýlai almady jáne zańdy bola almady. Tarihta buryn-sońdy eshkimge zańdylyqty bergen bir bilik bolǵan emes. Olarǵa da bermes», - dep jazdy Ǵani.
Budan buryn habarlanǵandai, «Taliban» ókilderi Aýǵanstan astanasy Kabýlǵa kirdi.
Eske salsaq, buǵan deiin Memleket basshysy Qasym-Jomart Toqaev Aýǵanstandaǵy jaǵdai boiynsha kúshtik qurylymdardyń basshylarymen jiyn ótkizgeni týraly habarlandy.
