Foto: Orda.kz
Biyl elimizdiń elektr stantsiialarynda 10 energoblokqa, 63 qazandyqqa jáne 39 týrbinaǵa kúrdeli jóndeý júrgizý josparlanǵan, dep habarlaidy Ult.kz.
Qazir 5 energoblokta, 30 qazandyqta jáne 19 týrbinada jóndeý júrgizilýde. 4 energoblokta, 15 qazandyqta jáne 9 týrbinada jóndeý aiaqtaldy.
Ótken jylmen salystyrǵanda eldegi jylý elektr ortalyqtarynyń ortasha tozý deńgeii 64%-dan 61%-ǵa deiin tómendegenin atap ótken jón. Bul energetikalyq qaýipsizdikti qamtamasyz etý aiasynda júzege asyrylyp jatqan jabdyqtardy jańǵyrtý jáne jańartý jumystarynyń nátijesinde múmkin boldy.
Ótken jylytý maýsymynyń qorytyndysy boiynsha jylý energetika nysandarynyń tehnikalyq jaǵdaiynda oń ózgerister baiqaldy. Elde barlyǵy 37 jumys istep turǵan jylý elektr ortalyǵy bar: buǵan deiin olardyń 19-y «qyzyl aimaqta», 11-i – «sary aimaqta», 7-eýi – «jasyl aimaqta» bolǵan.
Ótken jylytý maýsymynyń qorytyndysy boiynsha: 9 JEO «qyzyl aimaqtan» «sary aimaqqa» ótti, olardyń qatarynda:
▪️Ekibastuz JEO
▪️Óskemen JEO
▪️Jezqazǵan JEO
▪️Balqash JEO
▪️Rýdnyi JEO
▪️Ridder JEO
▪️Shahtinsk JEO
▪️«Qarmet» AQ TETs-2
▪️Kentaý JEO
3 JEO óz pozitsiiasyn jaqsartyp, «sary aimaqtan» «jasyl aimaqqa» ótti:
▪️Atyraý JEO
▪️Tekeli JEO
▪️«Qaraǵandy Energoortalyǵy» JShS TETs-3
Osylaisha qazirgi tańda 10 JEO – «qyzyl», 17 JEO – «sary», 10 JEO – «jasyl aimaqta» ornalasqan. QR Energetika ministrligi jylytý maýsymyna daiyndyq barysyn turaqty baqylaýda ustap otyr.
