Qazaqstannyń munai-gaz, taý-ken metallýrgiiasy, himiia jáne elektr energetikasy salalaryndaǵy 50 iri kásiporyny ekologiialyq stardarttaǵa negizdelgen tehnologiialarǵa kóshedi.
Bul týraly QR Premer-Ministriniń orynbasary - Syrtqy ister ministri Muhtar Tileýberdi aitty.
«Sheteldik tarappen birlesip investorlar keńesiniń jumys toptarynyń usynymdaryn qaraý boiynsha jumys sheńberinde mynadai jumys júrgiziledi. Ekologiialyq zańnamanyń Ekonomikalyq yntymaqtastyq pen damý uiymynyń standarttaryna jáne halyqaralyq tájiribelerge sáikestigin qamtamasyz etý úshin biyl jańa ekologiialyq kodekske qol qoiyldy. Ol 1 shildede kúshine enedi», -degen Premer-Ministrdiń orynbasary Kodekste eń ozyq qoljetimdi tehnologiialardy engizý kózdelgenin atady.
«Bul tehnologiialyq protsesterdi jańǵyrtýǵa jáne qorshaǵan ortaǵa emissiialardy tómendetýge múmkindik beredi. Birinshi kezeńde munai-gaz, taý-ken metallýrgiiasy, himiia jáne elektr energetikasy salalaryndaǵy 50 iri kásiporyndy qoljetimdi tehnologiialarǵa kóshirý josparlanǵan», - dedi Muhtar Tileýberdi.
