Elimizdiń 11 óńirinde turǵyndar tsifrly televiziia tehnologiiasyn tutynyp otyr. Bul týraly QR Aqparat jáne qoǵamdyq damý ministri Asqar Ýmarov aitty, dep habarlaidy QazAqparat.
«2021 jyly ministrlik quqyǵy buzylǵan jýrnalisterdiń quqyǵyn qorǵaý reglamentin qabyldady. Qujatty qoǵam ókilderimen, buqaralyq aqparat quraldarymen jáne tiisti organdarmen birlesip muqiiat talqyladyq.
Tórt myńnan astam maman salalyq jýrnalistika boiynsha tájiribeden ótti. Atap aitqanda, meditsinalyq, ekologiialyq, dini jáne IT salalary boiynsha tálim aldy.
Jýrnalisterdi akkreditteýdiń jańa qaǵidalary bekitildi. Salaýatty ómir saltyn nasihattaityn áleýmettik jarnamalardy otandyq telearnalarda kórsetý qaǵidalary naqtylandy», - dedi Asqar Ýmarov ministrliktiń alqa otyrysynda.
Onyń sózine qaraǵanda, saladaǵy basty máseleniń biri – otandyq buqaralyq aqparat quraldarynda memlekettik tildi qoldanylýy.
«Byltyr alǵash ret «Sóztúzer. Qate qoldanystar sózdigi» sózdigi jaryq kórdi. Bul jobanyń qazaqtildi BAQ ókilderine paidasy kóp bolady dep oilaimyn. Tsifrly teleradiony engizý jobasyn iske asyrý byltyr da jalǵasty. Búginde 11 óńir tsifrly televiziiaǵa tolyqtai kóshti», - degen ministr el Táýelsizdiginiń 30 jyldyǵyn merekeleý aiasynda 73 media joba qolǵa alynǵanyn atap ótti.
«Prezidenttiń tapsyrmasyna sáikes, 2021 jyly otandyq teleserialdar, derekti tarihi filmder óndirisin ulǵaitýǵa den qoidyq. Telearnalardan Ahmet Baitursynuly, Qanysh Sátpaev sekildi ult ziialylary týraly serialdar kórsetilip, kórermen kózaiymyna ainaldy.
«Áleýmettik mańyzy zor jobalardyń arasynda «Balapan» telearnasy janynan ashylǵan erekshe bilim berý qajettilikteri bar balalarǵa arnalǵan animatsiia mektebiniń jumysyn aitqym keledi. Bul jobanyń iske asyrylýy biyl da óz jalǵasyn tabady», - dedi ministr.
