Qazaqstan Prezidenti Qasym-Jomart Toqaev "Samuryq-Qazyna" qorynyń gaz salasyndaǵy jumysyn reformalaý qajettigin málimdedi, dep habarlaidy Sputnik Qazaqstan.
Prezident biznesmendermen kezdesýinde úkimetke munai ónimderimen qamtamasyz etý, telekommýnikatsiia naryǵy, farmatsevtika jáne basqa da birqatar salada tártip ornatý qajettigin habarlady. Bul rette jańa óndiristerdi yntalandyrýda tabiǵi gazben qamtamasyz etý de erekshe ról atqarady.
"Samuryq-Qazynany" reformalaý aiasynda ishki naryqty gazben qamtamasyz etýge basymdyq berilýge tiis. Kásipkerler ǵana emes, oblys ákimderi de Úkimetke, tipti maǵan indýstriialdy jobalardy júzege asyrý úshin gaz bólý týraly ótinishterin aityp jatyr. Al gaz joq. Gazdy otandyq óndiristi iske qosý úshin paidalanýdyń ornyna eksportqa shyǵaratyn jaǵdaiǵa endi jol berilmeidi", - dedi respýblika Prezidenti.
