قازاقستان پرەزيدەنتٸ قاسىم-جومارت توقاەۆ "سامۇرىق-قازىنا" قورىنىڭ گاز سالاسىنداعى جۇمىسىن رەفورمالاۋ قاجەتتٸگٸن مەلٸمدەدٸ, دەپ حابارلايدى Sputnik قازاقستان.
پرەزيدەنت بيزنەسمەندەرمەن كەزدەسۋٸندە ٷكٸمەتكە مۇناي ٶنٸمدەرٸمەن قامتاماسىز ەتۋ, تەلەكوممۋنيكاتسييا نارىعى, فارماتسەۆتيكا جەنە باسقا دا بٸرقاتار سالادا تەرتٸپ ورناتۋ قاجەتتٸگٸن حابارلادى. بۇل رەتتە جاڭا ٶندٸرٸستەردٸ ىنتالاندىرۋدا تابيعي گازبەن قامتاماسىز ەتۋ دە ەرەكشە رٶل اتقارادى.
"سامۇرىق-قازىنانى" رەفورمالاۋ اياسىندا ٸشكٸ نارىقتى گازبەن قامتاماسىز ەتۋگە باسىمدىق بەرٸلۋگە تيٸس. كەسٸپكەرلەر عانا ەمەس, وبلىس ەكٸمدەرٸ دە ٷكٸمەتكە, تٸپتٸ ماعان يندۋسترييالدى جوبالاردى جٷزەگە اسىرۋ ٷشٸن گاز بٶلۋ تۋرالى ٶتٸنٸشتەرٸن ايتىپ جاتىر. ال گاز جوق. گازدى وتاندىق ٶندٸرٸستٸ ٸسكە قوسۋ ٷشٸن پايدالانۋدىڭ ورنىنا ەكسپورتقا شىعاراتىن جاعدايعا ەندٸ جول بەرٸلمەيدٸ", - دەدٸ رەسپۋبليكا پرەزيدەنتٸ.
