14 tamyzda Qazaqstannyń birqatar óńirinde aptap ystyq saqtalady. «Qazgidromet» málimetinshe, kei jerlerde aýa temperatýrasy 40-44 gradýsqa deiin kóteriledi, dep habarlaidy ult.kz.
Eń joǵary temperatýra Túrkistan oblysynda kútiledi. Kúndiz óńirde aýa 40-44 gradýsqa deiin ysidy. Shymkentte de 40-42 gradýs qatty ystyq boljanyp otyr. Bul óńirlerde tótenshe órt qaýpi saqtalady.
Almaty oblysynyń soltústiginde, Jetisý oblysynyń soltústigi men shyǵysynda kúndiz 40-41 gradýsqa deiin óte qatty ystyq bolady. Almaty oblysynda aýa temperatýrasy 35-39 gradýsqa jetip, oblystyń batysy men soltústiginde tótenshe órt qaýpi, basqa aýmaqtarda joǵary órt qaýpi saqtalady.
Qaraǵandy jáne Ulytaý oblystarynda kúndiz aýa temperatýrasy 35-37 gradýsqa deiin kóteriledi. Qaraǵandy oblysynyń batysy, shyǵysy men ońtústiginde, sondai-aq Ulytaý oblysynda tótenshe órt qaýpi saqtalady.
Abai oblysynda kúndiz 35-38 gradýs ystyq bolady. Óńirdiń ońtústiginde 40-41 gradýsqa deiin óte qatty ystyq kútiledi. Oblystyń ońtústigi men ortalyǵynda tótenshe órt qaýpi saqtalady.
Qyzylorda oblysynda aýa temperatýrasy 40-41 gradýsqa deiin kóterilip, óńir boiynsha tótenshe órt qaýpi saqtalady. Jambyl oblysynda 38-40 gradýs, Mańǵystaý oblysynyń ońtústiginde 38 gradýsqa deiin ystyq bolady.
Sonymen qatar kei óńirlerde jańbyr, naizaǵai, burshaq jáne daýyl kútiledi. Almaty, Jetisý, Jambyl, Túrkistan, Mańǵystaý, Batys Qazaqstan, Aqtóbe, Qostanai, Soltústik Qazaqstan, Aqmola, Pavlodar, Shyǵys Qazaqstan jáne Abai oblystarynda jel kúsheiip, kei jerlerde onyń ekpini sekýndyna 15-20 metrge deiin jetýi múmkin.
Astanada 14 tamyzda ońtústik-shyǵystan jel soǵyp, kúndiz onyń ekpini sekýndyna 15 metrge deiin kúsheiedi. Qalada joǵary órt qaýpi saqtalady.
Almatyda kúndiz 35-37 gradýs qatty ystyq kútiledi. Qalada joǵary órt qaýpi boljanyp otyr.
Mamandar aldaǵy kúnderi ystyq aýa raiy men órt qaýpine bailanysty qaýipsizdik sharalaryn saqtaýǵa keńes beredi. Ásirese tabiǵi aýmaqtarda órt qaýipsizdigi talaptaryn qatań saqtaý mańyzdy.
