Memleket basshysynyń Jarlyǵymen Eldar Seidahmetuly Tolǵanbaev Qazaqstan Respýblikasy Prezidentiniń ishki saiasat jáne kommýnikatsiialar máseleleri jónindegi kómekshisi laýazymyna taǵaiyndaldy. Bul týraly Aqordanyń baspasóz qyzmeti habarlady, dep habarlaidy Ult.kz.
Eldar Tolǵanbaev 1981 jyly Almaty oblysynda dúniege kelgen. M. Shakarim atyndaǵy Semei memlekettik ýniversitetin jáne D. A. Qonaev atyndaǵy ýniversitetti tamamdaǵan.
Eńbek jolyn 2005 jyly Almaty oblysy Alakól aýdany máslihat apparatynyń bas mamany retinde bastap, keiin aýdandyq ákimdiktiń ishki saiasat bóliminde jumys istedi. Ár jyldary QR Mádeniet jáne aqparat ministrliginiń qurylymynda, QR Premer-Ministri Keńsesiniń Aqparattyq-taldaý ortalyǵynda bas konsýltant jáne jedel aqparat sektorynyń meńgerýshisi qyzmetterin atqardy.
Odan keiin Prezident janyndaǵy «Ortalyq kommýnikatsiialar qyzmeti» RMM direktorynyń orynbasary, Parlament Májilisi Tóraǵasynyń keńesshisi, «Almaty qalasyn damytý ortalyǵy» AQ basqarma tóraǵasynyń orynbasary jáne «Almaty teleradiokompaniiasy» AQ bas direktorynyń birinshi orynbasary boldy.
Sońǵy jyldary Prezident Ákimshiliginiń memlekettik inspektory, QR Aqparat jáne qoǵamdyq damý vitse-ministri, Prezident Ákimshiliginiń Kommýnikatsiialar bólimi meńgerýshisiniń orynbasary laýazymdaryn atqarǵan. Osy taǵaiyndaýǵa deiin 2024 jylǵy aqpannan beri QR Úkimeti Apparaty basshysynyń orynbasary qyzmetin atqaryp keldi.
