Naýryzda Elbasynyń qatysýymen partiia saiasi keńesiniń keńeitilgen otyrysy ótedi. Bul týraly Sybailas jemqorlyqqa qarsy is-qimyl agentiginiń alqa májilisinde «Nur Otan» partiiasy Tóraǵasynyń Birinshi orynbasary Baýyrjan Baibek málim etti, – dep habarlaidy QazAqparat tilshisi.
«Nur Otan» partiiasy sybailas jemqorlyqqa qarsy is-qimyl boiynsha jumysty júieli túrde júrgizip keledi. Máselen, 2014 jyly partiianyń saiasi keńesinde qoǵamdyq talqylaýdan soń, 2025 jylǵa deiingi sybailas jemqorlyqqa qarsy is-qimyl baǵdarlamasy qabyldandy. Keiinnen baǵdarlama Qazaqstannyń sybailas jemqorlyqqa qarsy strategiiasynyń negizi boldy. «Nur Otan» partiiasy fraktsiiasynyń bastamasymen sybailas jemqorlyqqa qarsy is-qimyl aqparatqa qol jetkizý, qoǵamdyq keńester týraly jáne basqa da zańdar qabyldandy. Búginde 80 paiyzdan astam memlekettik qyzmet avtomattandyryldy, elimizdiń barlyq aimaǵynda halyqqa qyzmet kórsetý ortalyqtary jumys isteidi, tsifrlyq tehnologiialar engizilýde. «Bir tereze» qaǵidaty boiynsha quqyq qorǵaý qyzmetteriniń ortalyqtary ashylýda», - dep toqtaldy B. Baibek agenttiktiń 2019 jyldyń qorytyndysyna arnalǵan alqa májilisinde.
Osy oraida ol partiianyń barlyq deńgeidegi resýrstary qoǵamda jalpy jemqorlyqqa qarsy mádenietti qalyptastyrýǵa baǵyttalǵanyn aitty.
«Partiia turaqty negizde jurtshylyqty qatystyra otyryp, sybailas jemqorlyqqa qarsy is-qimyl máselesin óz alańdarynda jariialy túrde talqylaidy. Biyl naýryzda Elbasynyń qatysýymen partiia saiasi keńesiniń keńeitilgen otyrysy ótkiziledi. Qaralatyn máselelerdiń biri – partiianyń sybailas jemqorlyqqa qarsy is-qimyly jáne partiiaishilik tártipti saqtaý jaiy. Sybailas jemqorlyqqa qarsy is-qimyl jónindegi partiialyq baǵdarlamanyń birinshi kezeńiniń júzege asyrylý qorytyndysy shyǵarylady. Biyl biz partiianyń sybailas jemqorlyqqa qarsy is-qimyl baǵdarlamasynyń 2025 jylǵa deiingi ekinshi kezeńin iske asyrýdy bastaimyz», - dedi Baýyrjan Baibek.
