Elbasy Nursultan Nazarbaevtyń alǵashqy bas ushqyshy Erbol Ospanov II dárejeli "Barys" ordenimen marapattaldy.
"Qazaqstan Respýblikasy prezidentiniń jarlyǵymen "Eir Astana" AQ Boing 757/767 komandiri Ospanov Erbol Abylaiuly II dárejeli "Barys" ordenimen marapattaldy", - dep habarlady azamattyq aviatsiia komiteti.
Memlekettik marapatty indýstriia jáne infraqurylymdyq damý ministri Beibit Atamqulov tabys etti.
Erbol Ospanov azamattyq aviatsiia salasynda 46 jyl jumys istedi. 2020 jyly zeinetke shyqty.
Ol 1955 jyly 9 maýsymda Óskemen qalasynda dúniege kelgen.
Eńbek jolyn 1974 jyly Óskemen birikken aviaotriadynyń An-2 ushaǵynyń ekinshi piloty qyzmetinen bastady.
Tý-154, Boing-747, Boing-767 áýe kemelerinde Qazaqstan Respýblikasy Prezidenti ekipajynyń shef-piloty, Qazaqstan Respýblikasy prezidenti Is basqarmasynyń "Búrkit" memlekettik aviakompaniiasynyń" ushý qyzmeti jónindegi direktordyń orynbasary, Boing-757, 767 komandiri, "Orient EagleAirways" AQ shef-piloty, ushý qaýipsizdigi jónindegi inspektsiia bastyǵy laýazymdaryn atqardy.
2005-2018 jyldary "Eir Astana" AQ vitse-prezidenti, 2018 jyldan bastap áýe kemesiniń komandiri boldy.
9 maýsymda Ospanov 65 jasqa toldy. Ol óziniń kásibi mansabynda 21 myń saǵat ushyp, demalysqa shyqty, bul shamamen 2,5 jylǵa teń. Ol óziniń keiingi reisin Boing-767 ushaǵymen London-Almaty baǵyty boiynsha jasady.
"Barys" ordeni kimge beriledi?
"Barys" ordeni 1999 jyly engizildi. Ol úsh dárejeden turady. Qazaqstannyń memlekettiligi men egemendigin nyǵaitý, beibitshilikti qamtamasyz etý, qoǵamdy toptastyrý jáne halyq birligi isinde sińirgen erekshe eńbegi úshin beriledi.
Sondai-aq memlekettik, óndiristik, ǵylymi, áleýmettik-mádeni jáne qoǵamdyq qyzmettegi erekshe eńbegi úshin beriledi.
