QR Aqparat jáne qoǵamdyq damý ministri Dáýren Abaev Elbasy Nursultan Nazarbaevtyń «Birlese bilgen el bárin jeńedi» atty maqalasyna qatysty pikir bildirdi, dep habarlaidy "Ult aqparat".
«Elbasynyń bul jolǵy úndeýi klassikalyq sipattan tys boldy. Onyń baǵdarlamalyq qyry bolǵan joq. Saiasi nemese ekonomikalyq turǵyda eshqandai málimdeme jasaǵan joq. Bul – qazaqstandyqtardyń júregine jetkize aitylǵan úndeý. Men ol maqaladan jahan aldyndaǵy jańa qaýipterdiń aldynda ult birligine shaqyrǵan emotsiialyq saryndy baiqadym. Bul otyz jyl boiy iyqtasa táýelsiz memleketti birge qurǵan, óz halqy úshin ýaiym jegen adamnyń úndeýi», - dedi Dáýren Abaev «Ashyq dialog» baǵdarlamasynda.
Ministrdiń aitýynsha, Elbasy osy qiyndyqtardyń bárin jeńýde qazaqstandyqtardyń basty qundylyqtaryn atap bergen.
«Ol – birlik, yntymaq», - dedi Dáýren Abaev.
