Elbasynyń «Uly dalanyń jeti qyry» atty maqalasymen tolyq tanysyp shyqtym. Bul osydan bir jarym jyl burynǵy «Bolashaqqa baǵdar: Rýhani jańǵyrý» atty maqalanyń zańdy túrdegi jalǵasy eken. Bul týraly Ál-Farabi atyndaǵy QazUÝ tarih-arheologiia jáne etnologiia fakýltetindegi Qazaqstan tarihy kafedrasynyń meńgerýshisi, professor Bereket Káribaev pikir bildirý barysynda aitty.
Onyń aitýynsha, Elbasynyń maqalasynda Táýelsizdik alǵannan keiingi 27 jyl ishindegi bizdiń ekonomikalyq, rýhani damýymyzǵa qatysty erekshe oi bar ekendigin jetkizdi.
«Kezinde Ilias Esenberlin «aǵash neǵurlym biiktep ósken saiyn, tamyry onyń tereńdei túsedi» degen. Dál qazir biz qaryshtap damyǵan saiyn tamyrymyzdy da solai igerip jatyrmyz. Osydan 3 jyl burynǵy Qazaq handyǵynyń 550-jyldyǵynda biz ózimizdiń ulttyq memleketimiz osydan 550 jyl buryn bastalady dep kelsek, endi Elbasynyń myna maqalasynan keiin ózimizdiń tarihymyzdy kem degende 3 myń jylǵa ári jyljytyp otyrmyz», - deidi ol.
«Álemdegi jeti keremet» degen sóz bar, sol siiaqty «Uly dalanyń jeti qyry» degen sózde alǵashqy oilary Qazaq eli, onyń arjaǵy Uly dala álemge ne berdi, búgingi órkenietke ne qosty degende kem degende osy jeti qyryn kórsetip otyr. Qandai? Bir ǵana atqa miný mádenietiniń ózi qanshalyqty mańyzǵa ie bolǵanyn aitady. Osy atqa miný mádenietiniń ózinen taǵy jeti ereje shyǵady. Jabaiy jylqyny qolǵa úiretý, ony miný úshin shalbar kiiý kerek, buryn Eýropada shapan siiaqty bir ǵana jamylǵy bolǵan. Al qazaqtyń kiiminiń ózi yqsham bolý úshin astyńǵy-ústińgi bolyp bólingen. Odan keiin atqa jai minbegen, onyń ústinde sadaq tartyp, qylysh jasai bilgen. Mine, osynyń bári atqa miný, atty áskerdi qoldaný 15-ǵasyrǵa deiin, iaǵni uly geografiialyq ashýlar men ot qarýlar shyqqanǵa deiingi Búkil álemdik tarihtyń avangardy kóshpendiler bolǵandyǵyn bildiredi. Bul bizde dáleldengen, elimizde «Bopai» mádenieti bar. 1982 jyldan beri buny dúniejúzi moiyndady», - deidi tarihshy.
.jpeg)