Aqtóbedegi túrli partiialar men qoǵamdyq uiymdardyń ókilderi Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty halyqqa Joldaýyna qoldaý bildirdi. Olar óz pikirlerin «Nur Otan» partiiasynyń Aqtóbe oblystyq filialy uiymdastyrǵan Demokratiialyq kúshterdiń «Qazaqstan — 2050» aimaqtyq koalitsiiasynyń kezekti otyrysynda ortaǵa saldy.
Qazaqstan halqy Assambleiasynyń «Birlik» aqsaqaldar keńesiniń tóraǵasy Erkin Qurmanbek «Pedagog mártebesi týraly» zańdy ázirleý ýaqytynda qabyldanǵan sheshim ekenin aitty. Onyń oiynsha, óz mindetine jatpaityn sharalardyń basy-qasynda júretin ustazdardyń jan aiqaiy naqty zańmen rettelý qajet.
– Kelesi jyly «Pedagog mártebesi týraly» zań qabyldaý qajettigi óte oryndy aityldy. Qazirgi kúni túrli sharalarǵa, jinalystar men kontsertterde zaldy toltyrýǵa da muǵalimderdi tartady. Muǵalim bedelin bulaisha aiaqasty etýden búkil qoǵam zardap shegedi. «Pedagog mártebesi týraly» zań, Elbasy Joldaýynda aitylǵandai, muǵalimderdi mindetten tys fýnktsiialardan arashalaidy dep senemiz, – dedi Erkin Qurmanbek.
Al «Erbaqyt» sporttyq-patriottyq klýby» qoǵamdyq birlestiginiń basshysy, aimaqtyq koalitsiianyń múshesi Marat Qoilybaev Elbasynyń ásirese, buqaralyq sport pen dene shynyqtyrýdyń qoljetimdiligin arttyrý týraly tapsyrmasy kóńiline qonǵanyn aitty.
Óz kezeginde «Jas Otan» jastar qanaty Aqtóbe oblystyq filialynyń tóraǵasy Asyljan Búrkitalin Joldaýda keler jyldyń «Jastar jyly» dep jariialanýy jastarǵa erekshe serpin bergenin tilge tiek etti.
– Jergilikti biýdjet esebinen jeńildetilgen ipoteka boiynsha alǵashqy jarnany ishinara sýbsidiialaý máselesi úisiz júrgen barsha qazaq jastarynyń júregine úlken senim uialatty, – degen ol «Jastar jyly» jas qazaqstandyqtar úshin úlken jaýapkershilik ekenin aitty.
Is-shara sońynda qatysýshylar Demokratiialyq kúshterdiń «Qazaqstan – 2050» Jalpyulttyq koalitsiiasy músheleri qabyldaǵan Úndeýdi qoldady.
