Qazaqstan halqy Assambleiasynyń Tóraǵasy Nursultan Nazarbaev Janseiit Túimebaevty qabyldady, dep habarlaidy "Ult aqparat" elbasy.kz-ke silteme jasap.
Kezdesýde Nursultan Nazarbaevqa Qazaqstan halqy Assambleiasy men óńirlerdegi Dostyq úileriniń qazirgi qyzmeti jaily aqparat berildi.
Elbasy Qazaqstandaǵy ázerbaijan men armian diasporalarynyń Taýly Qarabahtaǵy áskeri is-áreketterdi toqtatý jónindegi birlesken úndeýin qoldady. Qazaqstannyń Tuńǵysh Prezidenti qaqtyǵystyń ýshyǵýyna alańdaýshylyq bildirip, Qazaqstan úshin dos memleketter arasynda kelissózderdi bastaýdyń mańyzdylyǵyn atap ótti. Bul óńirdegi jaǵdaidy tezirek turaqtandyrýǵa septigin tigizedi.
Qazaqstan halqy Assambleiasynyń Tóraǵasy táýelsizdik alǵan kúnnen bastap halyqtyń birligi, qoǵamdaǵy turaqtylyq pen kelisim elimizdiń basty qundylyǵy bolǵanyn aitty. Osy oraida biyl 25 jyldyǵyn atap ótip jatqan Qazaqstan halqy Assambleiasynyń airyqsha róline toqtaldy.
Óz kezeginde Qazaqstan halqy Assambleiasy Tóraǵasynyń orynbasary J.Túimebaev Elbasyna etnosaralyq qatynastar salasyndaǵy memlekettik basqarýdy reformalaýdyń jáne taldaý jumystarynyń nátijeleri týraly baiandady. Áleýmettik zertteýlerdiń sońǵy málimetterine sáikes, Qazaqstan halqynyń 92,4 paiyzy etnosaralyq ahýaldy qolaily jáne turaqty dep baǵalaǵan, al 89,2 paiyzy memlekettiń eldegi etnosaralyq kelisimdi saqtaý jónindegi is-áreketterin qoldap otyr.
Sonymen qatar Nursultan Nazarbaevqa Qazaqstan Respýblikasy Konstitýtsiiasy men Qazaqstan halqy Assambleiasynyń 25 jyldyǵyn uiymdastyrý jáne ótkizý jónindegi Ulttyq is-sharalar josparynyń iske asyrylýy, Qazaqstan halqy Assambleiasynyń 2025 jylǵa deiingi damý tujyrymdamasyn iske asyrý kezeńderi men pandemiia kezinde uiymdastyrylǵan qaiyrymdylyq jumystar týraly aqparat berildi.
Kezdesý sońynda Qazaqstan halqy Assambleiasynyń Tóraǵasy birqatar naqty tapsyrma berdi.
