Elbasy - zamanaýi Qazaqstannyń negizin salýshy. Bul týraly «Jarasym» respýblikalyq jastar qozǵalysynyń tóraǵasy Timýr Jumyrbaev Strategy2050.kz tilshisine aityp berdi.
«Bir jyl buryn Elbasy Nursultan Nazarbaev Memleket basshysy retindegi ókilettigin toqtatty. Bul sheshim bizdiń eldegi tarihi kezeńniń bastamasy boldy. Sodan keiin qalyptasqan bilik tranziti Elbasynyń saiasi baǵytynyń naqtylyǵyn kórsetti. Onyń tájiribesi men bilimi memleket qurý úrdisinde óte mańyzdy. Nursultan Nazarbaevty zamanaýi Qazaqstannyń negizin salýshy dep aitýǵa bolady», - dedi T.Jumyrbaev.
«Jarasym» respýblikalyq jastar qozǵalysynyń tóraǵasynyń aitýynsha, N.Nazarbaevtyń saliqaly saiasatynyń nátijesinde Qazaqstan qýatty elge ainaldy.
«Elbasynyń baǵyty nátijesinde elimiz Keńes Odaǵynyń qursaýynan shyǵyp, qýatty ári táýelsiz memleketke ainaldy. Memleket basqarý jyldary kúrdeli boldy, elimiz ekonomikalyq jáne saiasi qalyptasýdy bastan keshirdi. Alaida, búgin 90-shy jyldary bútin qalalar jylýsyz qalyp, muǵalimder men dárigerler ailar boiy jalaqysyn almai, naryqtyq ekonomikanyń joqtyǵy men Qazaqstannyń álem kartasyndaǵy orny shyqpai turǵanyna sený qiyn. Osyndai jaǵdaida Elbasy tabandylyq pen saiasi rýhty kórsetti. Ol engizgen «Aldymen ekonomika, keiin saiasat» formýlasy jańa qazaqstandyq ekonomikanyń paida bolýyn qamtamasyz etti. Birtindep el kúsh jinap, halyqaralyq arenada bedelin arttyra bastady. Elorda Almatydan Aqmolaǵa aýysty. Ortalyq Aziianyń en dalasynda álemniń tanymal sáýletshileri atsalysqan jańadan megapolis salyndy. Astana Táýelsizdik týraly qazaqstandyq armannyń júzege asqan kórinisine ainaldy. Sheteldik týristerdiń basqosatyn ortalyǵyna ainaldy. 20 jylda turǵyzylǵan ásem qala Tuńǵysh Prezidenttiń atymen atalǵanynda da mán bar», - dedi ol.
Sonymen qatar, ol birlikti saqtaýdaǵy basty institýt Assambleiany qurýdaǵy kemeldilik týraly aityp ótti.
«Elbasynyń taǵy bir mańyzdy sheshimi – 1995 jyly Qazaqstan halqy Assambleiasyn qurý edi. Biyl ol 25 jyldyǵyn merekeleidi. Qazaqstan kópultty memleket, bizdiń elde 130-dan astam ult ókilderi uiyp ómir súrýde.Táýelsizdik alǵan jyldary kópulttylyq talqylaý men pikirtalastarǵa túsip júrdi. Sol kezde álemdik sarapshylar qazaqstandyq qoǵamda ultaralyq túsinispeýshilikter bolatynyn boljady. Ol qaýipti ózge burynǵy odaq elderindegi jaǵdai rastaǵan edi. Alaida, Nursultan Nazarbaev halyqtyń birligi men birtutastylyqty basymdyqqa ainaldyra aldy. Bul mindetti Assambleia oryndap shyqty», - dedi ol.
Sonymen qatar, ol Elbasy jastardy qoldaýǵa da árkez qoldaý kórsetkenin atap ótti.
«Onyń bastamasy boiynsha qazaqstandyqtar álemniń úzdik ýniversitetterinde bilim alýǵa múmkindik aldy. Nursultan Ábishuly jastarǵa árkez jaqyn boldy. Jas qazaqstanyqtarmen qarym-qatynas ornatýǵa kóp kóńil bóledi. Elbasynyń sheshimimen Jastar jyly jariialanǵan bolatyn. 2019 jyly jastardy qoldaityn áleýmettik jobalar kóptep qosyldy. Jastarǵa degen qoldaý arta tústi», - dedi ol.
Aiagóz Qurmash
.jpeg)