Prezident jemqorlyq qylmys jasap, ustalyp, túrmege túsken sheneýnikterge qatysty qynjylys bildirip, bul memlekettik múdde men senimge jasalǵan satqyndyq dedi, dep habarlaidy "Ult aqparat" Baq.kz portalyna silteme jasap.
"Barlyq reformalar qarjylandyrylady. Trilliondaǵan teńge bólinip jatyr.
Esep komiteti ǵana 160 mlrd teńgege qarjylyq zańbuzýshylyqtar anyqtaǵan. 47 laýazymdy tulǵa ákimshilik, 223 tártiptik jaýapkershilikke tartylǵan. Quqyq qorǵaý organdaryna kóp material berildi", - dedi Prezident úkimettiń keńeitilgen otyrysynda.
Memleket basshysy jemqorlyqqa qarsy kúres vedomstvosynyń basshysy Qairat Qojamjarovtan ótken jyly sybailas jemqorlyq baby boiynsha qansha adam jaýapkershilikke tartylǵanyn surady.
"2900 laýazymdy tulǵa", - dep jaýap berdi Qojamjarov.
"Olardy "Bolashaqpen" oqýǵa jiberip, tárbielep, barlyq qyzmet satysymen ósirip, alyp kelesiń, al olar túrmege túsedi. Óte ókinishti", - dedi Elbasy.
"Men bul adamdardyń ata-analarynan da kóp ýaiymdaimyn. Bári beker. Meniń oiymsha, bul memlekettik múdde men kórsetilgen senimge jasaǵan satqyndyq. 2900 adam tergeýde otyr. Sonda da toqtamaidy", - dep qynjyldy Prezident.
Aita keteiik, Qazaqstan Prezidenti Nursultan Nazarbaevtyń qatysýymen Úkimettiń keńeitilgen otyrysy ótti. Jiynda aldymen eldiń 2016 jylǵy áleýmettik-ekonomikalyq damýynyń qorytyndylary talqylandy. Keiin Memleket basshysy túiitkildi máselelerdi kóterip, aldaǵy jumysty aiqyndap, úkimet múshelerine tapsyrmalar berdi.
