Qazaqstannyń Tuńǵysh Prezidenti – Elbasy Nursultan Nazarbaev Túrkiia Respýblikasynyń Prezidenti Rejep Taiyp Erdoǵanmen, Belarýs Respýblikasynyń Prezidenti Aleksandr Lýkashenkomen, Tájikstan Respýblikasynyń Prezidenti Emomali Rahmonmen telefon arqyly sóilesti, dep habarlaidy elbasy.kz.
Nursultan Nazarbaev Belarýs Respýblikasynyń Prezidenti Aleksandr Lýkashenkomen telefon arqyly sóilesti. Áńgimelesý barysynda Belarýs Prezidenti Elbasyn 80 jyldyq mereitoiymen quttyqtap, zor densaýlyq, baq-bereke jáne Qazaqstan tarihyndaǵy jańa mindetterdi sátti iske asyrýdy tiledi.
Aleksandr Lýkashenko Ult kóshbasshysynyń basshylyǵymen Qazaqstan halqy óz damýynda tolaǵai tabysqa qol jetkizgen memleket quryp, úlken joldy júrip ótkendigin atap ótti. Sondai-aq Belarýs Prezidenti Nursultan Nazarbaevtyń Qazaqstan-Belarýs qatynastarymen birge, eýraziialyq keńistiktegi integratsiialyq úderisterdi qalyptastyrý men ilgeriletýdegi mańyzdy rólin atap ótti.
Elbasy Belarýs kóshbasshysyna quttyqtaýy úshin alǵysyn bildirip, eki el arasyndaǵy kóptarapty yntymaqtastyqty odan ári keńeitý týraly aitty. Telefon arqyly sóilesýge Belarýs jaǵy bastamashy boldy.
Qazaqstannyń Tuńǵysh Prezidenti Túrkiia Respýblikasynyń Prezidenti Rejep Taiyp Erdoǵanmen telefon arqyly sóilesti. Áńgime barysynda Rejep Taiip Erdoǵan Elbasyn mereitoiymen quttyqtap, zor densaýlyq jáne kópjosparly memlekettik qyzmette jańa jetistikter tiledi.
Túrkiia Prezidenti qazirgi Qazaqstannyń damý tarihy Tuńǵysh Prezident Nursultan Nazarbaevtyń esimimen tikelei bailanysty ekendigin aityp, onyń eki el arasyndaǵy qatynastardy qalyptastyrýdaǵy eleýli rólin atap ótti.
Elbasy Rejep Taiyp Erdoǵanǵa dostyq tilekteri úshin alǵysyn bildirdi jáne Qazaqstan-Túrkiia strategiialyq seriktestiginiń qazirgi deńgeiine joǵary baǵa berdi. Telefon arqyly sóilesýge túrik tarapy bastamashy boldy.
Elbasy Nursultan Nazarbaev Tájikstan Respýblikasynyń Prezidenti Emomali Rahmonmen telefon arqyly sóilesti.
Tájikstan Prezidenti Elbasyn 80 jasqa tolýymen quttyqtap, zor densaýlyq, baqyt jáne kópqyrly memlekettik qyzmette tabys tiledi.
Emomali Rahmon Qazaqstannyń Tuńǵysh Prezidenti baýyrlas Qazaqstan halqynyń jáne jalpy óńirdiń igiligi úshin óziniń jasampaz qyzmetin jalǵastyratynyna senim bildirdi.
Nursultan Nazarbaev Tájikstan kóshbasshysyna dostyq tilekteri úshin alǵysyn bildirip, ár túrli salalardaǵy Qazaqstan men Tájikstan yntymaqtastyǵyn odan ári ilgeriletýdiń mańyzdylyǵyn atap ótti. Telefon arqyly sóilesýge Tájikstan tarapy bastamashy boldy.
