Elordada Elbasy, Nur Otan partiiasynyń tóraǵasy Nursultan Nazarbaev pen Qazaqstan Prezidenti Qasym-Jomart Toqaevtyń qatysýymen partiia saiasi keńesiniń keńeitilgen otyrysy ótti.
Jiynda elimizdiń Tuńǵysh Prezidenti Nursultan Nazarbaev partiia múshelerine, memlekettik qyzmetkerlerge halyqqa jaqyn bolý kerek dedi.
«Eger kishkentai máselelerdi jedel túrde sheshetin bolsaq, jaqsy bolar edi. Al biz - keremet sheneýnikpiz, bizge usaq-túiekpen ainalysyp qajet emes. Bizge aýqymdy nárse kerek bop turady. Joq. Adamdar ómirinde sol eń kishkentai máseleni qajet etedi. Ishetin sýy joq. Bul ákimderge jumys emes pe? Bul - adamnyń ómirindegi eń basty másele. Eger aýylda jol bolmasa, bul - onyń ómiri, al biz úshin - usaq-túiek mindet. Biz ǵalamdyq máseleni qozǵap, qoldarymyzdy sermeimiz. Sondyqtan adamdarǵa jaqyn bolý kerek. Partiianyń qoǵamdyq qabyldaý bólimderi jumys isteýi tiis. Azamattarmen turaqty túrde bailanys ornatý qajet. Memlekettik organ basshylary, premer-ministr, ministrler, barlyq deńgeidegi ákimder azamattarmen kezdesip, olardy tyńdaýy kerek», - dedi Nursultan Nazarbaev.
