QR Tuńǵysh Prezidenti - Elbasy Nursultan Nazarbaev «Samuryq-Qazyna» ulttyq ál-aýqat qorynyń kompaniialaryn jekeshelendirý jóninde pikir bildirdi, dep habarlaidy QazAqparat.
«Álemdik daǵdarys kezinde energiia resýrstarynyń baǵasy qubylmaly bolǵandyqtan jekeshelendirý boiynsha buǵan deiin qabyldanǵan josparlardy qaita beiimdep, túzetý qajet. Biz «QazAtomProm» aktsiialarynyń 25% jekeshelendirip, investorlardyń senimine ie boldyq», - dep atap ótti N. Nazarbaev «Samuryq-Qazyna» ulttyq ál-aýqat qoryn basqarý jónindegi keńestiń otyrysynda.
Tuńǵysh Prezident kei kompaniialardy jekeshelendirý máselelerine erekshe toqtaldy.
«Qazposhta» qyzmetiniń ereksheligine bailanysty kompaniiany strategiialyq investorǵa tikelei ataýly satqan abzal. Muny da Úkimetpen birge anyqtap, bul máselege baiyppen qaraý kerek. «Samuryq-Energony» jekeshelendirý máselesin memleketke tiimdi bolatyn jaǵdaida qarastyrý kerek. Jáne bul anyq ári túsinikti bolýy tiis», - dedi N. Nazarbaev.
Al «Qazaqtelekomdy» jekeshelendirý boiynsha Elbasy onyń 10 paiyzyn «Biryńǵai jinaqtaýshy zeinetaqy qoryna» satýdy qoldady. Bul – azamattarymyzdyń kompaniia aktsioneri bolýǵa, al Qordyń basty aktsioner retinde qalýyna múmkindik beredi.
«Al qalǵan kompaniialar boiynsha álemdegi jaǵdaidy eskerip, olardy qaita qarap, jekeshelendirý boiynsha jospardy, strategiialyq aktivterdi Qorǵa qolaily kezeńge deiin keiinge qaldyrý qajet. Osyǵan bailanysty Qorǵa Úkimetpen birlesip, jekeshelendirýdiń keshendi josparyn, «Samuryq-Qazynany» ártaraptandyrý baǵdarlamasyn qaita qaraýdy tapsyramyn», - dedi Nursultan Nazarbaev.
