Búgin Nursultan Nazarbaev Nur Otan partiiasy óńirlik filialdar ókilderiniń qatysýymen jinalys ótkizdi, – dep habarlaidy «Ult aqparat».
«Elbasy óz sózinde partiia ókilderine Prezident Qasym-Jomart Toqaevtyń ainalasynda jinalý kerek ekenin aitty. Saiasi baǵyt-baǵdardyń sabaqtastyǵy saqtalýy kerek dedi» dep jazdy Tuńǵysh Prezidenttiń baspasóz hatshysy Aidos Úkibai Twitter-degi paraqshasynda.
Nursultan Nazarbaev Qazaqstan Prezidenti retinde ókilettigin toqtatqan soń Nur Otan partiiasynyń tóraǵasy bolyp qaldy.
Elbasy qazan aiynda partiia depýtattarynyń jumysyn synǵa alǵan bolatyn. Ol depýtattardyń sońǵy ailarda birde-bir qoǵamdyq rezonans týdyrǵan máselege qatysty pikir bildirmegenin aitty. Buǵan deiin Nazarbaev Úkimet músheleri, Nur Otan men májilistegi partiia fraktsiiasyna Májilis sailaýyna jańa sailaýaldy baǵdarlama ázirleýdi tapsyrdy.
