Qazaqstan Prezidenti «Nur Otan» partiiasy tóraǵasynyń birinshi orynbasary Muhtar Qul-Muhammedti qabyldady, dep habarlaidy "Ult aqparat" Aqordaǵa silteme jasap.
Memleket basshysy kezdesýde partiianyń 2016 jylǵy qyzmetiniń qorytyndylary jónindegi esepti tyńdap, aldaǵy kezeńge arnalǵan jumys josparlarymen tanysty.
Nursultan Nazarbaevqa jalpyulttyq kún tártibindegi mańyzdy aspektilerdi iske asyrý sharalary, sondai-aq el damýynyń basty baǵyttary jóninde jurtshylyqty habardar etý máseleleri týraly baiandaldy.
M.Qul-Muhammedtiń málimeti boiynsha, 2015 jylmen salystyrǵanda partiia qurylymdaryna aryz-shaǵymmen júgingen azamattar sany 30%-ǵa artqan. 2016 jyly 283 myńnan astam ótinish kelip túsken, qazir onyń 92%-y oń sheshimin tapty.
Sondai-aq, Elbasyǵa partiia ókilderiniń óńirlerdegi jurtshylyqpen kezdesýleriniń qorytyndylary jáne kúndelikti qyzmet barysynda qoldanylatyn partiia jumysynyń jańa formaty jóninde málimet berildi.
