Búgin QR Tuńǵysh Prezidenti - Elbasy Nursultan Nazarbaev 80 jasqa toldy, dep habarlaidy «QazAqparat»
Nursultan Ábishuly Nazarbaev 1940 jylǵy 6 shildede Almaty oblysy, Qaskeleń aýdany, Shamalǵan aýylynda dúniege kelgen. 1967 jyly Qaraǵandy metallýrgiia kombinaty janyndaǵy joǵary tehnikalyq oqý ornyn bitirdi.
Ekonomika ǵylymdarynyń doktory. Qazaqstan Respýblikasy Ulttyq ǵylym akademiiasynyń akademigi.
Birqatar shet memleketter men elimizdiń jetekshi ýniversitetteriniń qurmetti professory jáne doktory. Kóptegen kitaptar men ǵylymi maqalalardyń avtory. 1960-1969 jyldary Qaraǵandy metallýrgiia zaýytynda jumys istedi.
1969-1973 jyldary Qaraǵandy oblysy Temirtaý qalasyndaǵy partiia-komsomol jumystarynda jaýapty qyzmetter atqardy.
1973-1977 jyldary – Qaraǵandy metallýrgiia kombinatynyń partkom hatshysy.
1977-1979 jyldary – Qaraǵandy oblystyq partiia komitetiniń hatshysy, 2-hatshysy.
1979-1984 jyldary – Qazaqstan KP Ortalyq Komitetiniń hatshysy.
1984-1989 jyldary – Qazaq KSR Ministrler Keńesiniń tóraǵasy.
1989-1991 jyldary – Qazaqstan KP OK birinshi hatshysy, 1990 jylǵy aqpan-sáýir aralyǵynda Qazaq KSR Joǵary Keńesiniń tóraǵasy.
1990 jyldyń sáýirinen Qazaqstan Respýblikasynyń Prezidenti boldy. 1991 jyldyń 1 jeltoqsanynda tuńǵysh ret Qazaqstan Prezidentiniń jalpyhalyqtyq sailaýy ótti.
Sailaý nátijesinde Nursultan Ábishuly Nazarbaev basym daýyspen (98,7 paiyz) jeńiske jetti.
1995 jyldyń 29 sáýirinde jalpyhalyqtyq referendým nátijesinde Qazaqstan Respýblikasy Prezidenti N.Á.Nazarbaevtyń ókilettigi 2000 jylǵa deiin uzartyldy.
1999 jyldyń 10 qańtarynda ótken balamaly sailaýdyń nátijesinde N.Nazarbaev 79,78 paiyz daýys alyp, Qazaqstan Respýblikasy Prezidenti bolyp qaita sailandy.
2011 jyldyń 3 sáýirinde sailaýshylardyń 95,5 paiyz daýysymen Qazaqstan Respýblikasynyń Prezidenti bolyp qaita sailanǵan-dy. 2015 jylǵy 26 sáýirde ótken kezekten tys sailaýda da aiqyn jeńiske jetti.
2019 jylǵy 19 naýryzda Nursultan Nazarbaev «Qazaqstan Respýblikasy Prezidentiniń ókilettigin atqarý týraly» № 887 jarlyqqa qol qoiyp, Prezident laýazymynan óz erkimen ketti.
Dál osy jarlyqqa sáikes, 2019 jylǵy 20 naýryzdan bastap Qazaqstan Respýblikasy Prezidentiniń ókilettigi qalǵan merzimge Qazaqstan Respýblikasy Parlamenti Senatynyń tóraǵasy - qazirgi Memleket basshysy Qasym-Jomart Toqaevqa Qazaqstan halqyna ant bergen sətinen bastap kóshken edi.
