Búgin Elbasy Nursultan Nazarbaevtyń prezidenttik ókilettiligin óz erkimen toqtatqanyna dál bir jyl toldy. QR Prezidenti janyndaǵy Ulttyq qoǵamdyq senim keńesiniń múshesi Aýyt Muqibek Elbasy Nursultan Nazarbaev "Túrki dúniesiniń Aqsaqaly" degen mártebeli atqa laiyq tulǵa ekenin aitty, dep habarlaidy Baq.kz agenttigi.
Keńes odaǵy qulaǵan soń, jańa memleketter paida boldy. Elbasy Nursultan Nazarbaev sol jańa memleketter basshylarynyń ishinde eń sergek qimyldaǵan tulǵa. Jas memleketter arasyndaǵy Táýelsiz Memleketter Dostastyǵy (TMD), Shanhai Yntymaqtastyq Uiymy, (ShYU) jáne Eýraziialyq ekonomikalyq odaq (EEO) syndy barlyq bastamalardyń bastamashysy nemese belsendi qoldaýshysy bolady.
Sonyń bári Qazaqstan Táýelsizdigin saqtap qalaýdyń amal-tásili edi.
Qazirgi tańda osy uiymdar, ásirese, Eýraziialyq ekonomikalyq odaq týraly jurt ala-qula pikirler aityp júrgeni jasyryn emes.
Atalǵan odaqtarǵa parallel Túrki tildes memleketterdiń yntymaqtastyq keńesiniń de qalyptasyp úlgirdi. Sońǵy jyldary Nursultan Ábishuly bul uiymnyń atyn túrki tildes emes, túrki tektes dep ózertýdi usyndy.
Osy uly bastamanyń da basynda eks-prezident Nursultan Nazarbaevtyń turǵanyn biz eshqashan esten shyǵarmaýymyz kerek. Kerek bolsa, atalǵan uiymdar men odaqtardy osy Uly maqsatqa jetý jolyndaǵy baspaldaq dep qaraǵan jón.
Qazir bul uiymnyń aiasynda Halyqaralyq Túrki akademiiasy qurylyp, túbi bir Túrkiniń basyn qosý jolynda óte joǵary deńgeide jumys atqaryp jatyr.
Men Ult Kóshbasshysynyń bul eńbegin erekshe maqtanyshpen atap ótkim keledi. Túrkiniń basy túgendelse, bizdi syrttan eshbir jaý ala amaidy.
Eýraziialyq ekonomikalyq odaq kez-kelgen ýaqytta tarap ketýi múmkin.
Al, Túrki tektes halyqtardyń birligine eshkim balta shaba almaidy. Óitkeni, bul keńes qany bir halyqtardyń uiymy. Keshegi Alash arystarynyń jete almai ketken uly armany.
Mine, sol armandy bizdiń Nursultan Ábishuly oryndady. Al, Túrki tildes memleketterdiń yntymaqtastyq keńesinyń "S5+1" formatyna qol jetkizýi – zor jeńis!
Demek, Elbasy Nursultan Nazarbaev "Túrki dúniesiniń Aqsaqaly" degen mártebeli atqa ábden laiyq tulǵa!, - dedi Aýyt Muqibek.
