Qazaqstannyń Tuńǵysh Prezidenti Qyrǵyz Respýblikasynyń Prezidenti Sadyr Japarovpen kezdesti, dep habarlaidy Elbasynyń baspasóz qyzmeti.
Kelissóz bastalar aldynda Elbasy men Qyrǵyz Respýblikasynyń Prezidenti Nazarbaev ortalyǵyndaǵy ekspozitsiialardy aralap kórdi.
Kezdesý barysynda Nursultan Nazarbaev Sadyr Japarovty Qyrǵyzstan Prezidenti bolyp sailanýymen quttyqtady.
– Qazaqstanǵa qosh keldińiz. Qyrǵyzstan halqy ótken sailaýda Ózińizge úlken senim bildirdi. Halqyńyzdyń jarqyn bolashaǵy jolyndaǵy jumysyńyzǵa tabys tileimin, – dedi Qazaqstannyń Tuńǵysh Prezidenti.
Elbasy táýelsizdik jyldary baýyrlas eki el arasynda qol jetkizilgen yntymaqtastyq pen seriktestiktiń joǵary deńgeiin atap ótti.
Sondai-aq Nursultan Nazarbaev Qazaqstan men Qyrǵyzstan prezidentteri arasyndaǵy kelissózderdiń nátijeli bolǵanyna toqtalyp, biznes bailanystardy kúsheitýdiń jáne ekonomikalyq qatynastardy nyǵaitýdyń mańyzdylyǵyn aitty.
Óz kezeginde Sadyr Japarov Qazaqstannyń Tuńǵysh Prezidentine eki el arasynda bailanys ornatý jáne nyǵaitý jolyndaǵy jasampaz eńbegi úshin alǵysyn bildirdi.
– Sizdi Ortalyq Aziianyń kóshbasshysy ǵana emes, sondai-aq álemdik deńgeidegi bedeldi saiasatker retinde de qurmetteimin! Siz bizdiń halyqtarymyzdyń dostyǵy men yntymaqtastyǵyn arttyrýǵa zor úles qostyńyz, – dedi Qyrǵyz Respýblikasynyń Prezidenti.
