Búgin Memleket basshysynyń tóraǵalyǵymen Qazaqstannyń quqyq qorǵaý júiesin reformalaý máseleleri jónindegi keńes ótti, dep habarlaidy "Ult aqparat" Aqordaǵa silteme jasap.
Keńeske Prezident Ákimshiliginiń Basshysy Á.Jaqsybekov, Joǵarǵy sot tóraǵasy Q.Mámi, Prezident Ákimshiligi Basshysynyń orynbasary T.Donaqov, Bas prokýror J.Asanov, Ulttyq qaýipsizdik komitetiniń tóraǵasy K.Másimov, Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Q.Qojamjarov, Ishki ister ministri Q.Qasymov, Ádilet ministri M.Beketaev, Qarjy ministri B.Sultanov qatysty.
Nursultan Nazarbaev «100 naqty qadam» Ult josparyn iske asyrý aiasynda zańnyń ústemdigin qamtamasyz etýdiń mańyzdylyǵyna nazar aýdaryp, osy baǵytta daiyndyq jumystaryn sapaly júrgizý qajettigin aitty.
- Biz búgin qylmystyq qýdalaý júiesin jańǵyrtýdyń bazalyq baǵyttaryn jetildirý jónindegi máseleni qarastyryp otyrmyz. Solardyń qatarynda, qylmys protsesinde azamattardy qorǵaý deńgeiin arttyrý, tergeý júrgizý tártibin ońtailandyrý, qylmys protsesindegi jaryspalylyq, sotqa deiingi satyda sot baqylaýyn odan ári kúsheitý, qylmystyq qýdalaý, prokýratýra jáne sot organdary arasyndaǵy ókilettikterdiń qaitalanýyn boldyrmaý jáne olardy naqty bólý, - dedi Elbasy.
Sońynda Qazaqstan Prezidenti birqatar naqty tapsyrma berdi.
