Qazaqstannyń tuńǵysh prezidenti, Elbasy Nursultan Nazarbaev 50 myń teńge kóleminde bir ret beriletin tólemderdiń úshinshi tolqynyn uiymdastyrýdy tapsyrdy. Bul týraly partiia tóraǵasynyń birinshi orynbasary Baýyrjan Baibek málimdedi.
"Osy aptada shaǵyn qalalardyń, aýyldardyń jáne iri qalalarǵa jaqyn eldi mekenderde turatyn muqtaj turǵyndar arasynan 110 myńǵa jýyq otbasyǵa ataýly qarjylai kómek kórsetiledi", - dep jazdy Baibek óziniń Instagram paraqshasynda.
Sonymen qatar jaqynda qorǵa qosymsha qarajat túsetinin atap ótti.
"Osyny eskere otyryp, Elbasy elimizdiń aýyl turǵyndaryna tikelei nazar aýdara otyryp, kómekke muqtaj qazaqstandyqtarǵa qarjylai kómektiń tórtinshi tolqynyn kórsetý múmkindigin pysyqtaýdy tapsyrdy", - dedi Baibek.
Ol buǵan deiin 23 qalanyń 360 myńnan astam otbasy birinshi jáne ekinshi tolqyn aiasynda 50 myń teńgeden bir jolǵy tólem alǵanyn eske saldy. Jas Otan qozǵalysynyń aiasynda 5 myńnan astam erikti 240 myń otbasyǵa azyq-túlik sebetin, meditsinalyq maska men qajetti taýarlardy jetkizdi.
Túrkistan oblysynyń sý basqan aýyldarynyń turǵyndaryna nurotandyqtar azyq-túlik, kiim-keshek, qurylys materialdary jáne jeke gigiena quraldary túrinde 1 000 tonnadan astam gýmanitarlyq kómek jiberdi. Birgemiz qorynyń qarajaty esebinen Dostyq aýylynyń turǵyndary jańa turǵyn úimen qamtamasyz etiledi.
Birgemiz qoǵamdyq qory 2020 jyldyń 20 naýryzynda eldiń tuńǵysh prezidenti Nursultan Nazarbaevtyń bastamasymen COVID-19 pandemiiasy jaǵdaiynda halyqtyń turmysy tómen tobyna kómek kórsetý úshin quryldy.
