30 tamyzda el táýelsizdiginiń 30 jyldyǵyna arnalǵan is-sharalar aiasynda Jeneva qalasynda (Shveitsariia) QR Tuńǵysh Prezidenti - Elbasy kitaphanasy delegatsiiasy BUU bóliminiń Jenevadaǵy kitaphana jáne arhiv direktory Franchesko Pizanomen kezdesti.
Is-shara BUU-nyń Jenevadaǵy bas direktory Tatiana Valovaia men BUU janyndaǵy Qazaqstan Respýblikasynyń Jenevadaǵy turaqty ókili Janar Aitjanovanyń qatysýymen ótti.
Taraptar Elbasy kitaphanasy men BUU bóliminiń Jenevadaǵy kitaphanasy arasyndaǵy yntymaqtastyq josparyn talqylap, Qazaqstan Respýblikasynyń Tuńǵysh Prezidenti - Elbasy kitaphanasy men BUU bóliminiń Jenevadaǵy kitaphana jáne arhivi arasyndaǵy niet týraly hatyna qol qoidy.
Qujat arhiv, tarih salalaryndaǵy kópjaqty, halyqaralyq qarym-qatynastar men qundylyqtardy zertteýdiń yntymaqtastyǵyn, Birikken Ulttar Uiymynyń qyzmeti men Qazaqstannyń tarihi murasyn zertteýdegi seriktestikti kózdeidi.
Alǵysóz barysynda Elbasy kitaphanasynyń direktory Baqytjan Temirbolat Qazaqstan delegatsiiasynyń Jenevaǵa sapary 31 tamyzda ótetin halyqaralyq konferentsiiaǵa bailanysty ekenin atap ótti. Elbasy kitaphanasy uiymdastyratyn konferentsiia Semei iadrolyq poligony jabylýynyń 30 jyldyǵyna arnalmaq.
«Ataýly kúnniń Qazaqstan úshin ǵana emes, búkil álemdik qaýymdastyq úshin mańyzy zor. Tuńǵysh Prezidentimiz N.Á. Nazarbaevtyń tarihi sheshiminiń arqasynda Semei iadrolyq poligonyn japqan Qazaqstan qarýsyzdaný salasy kóshbasshylarynyń biri bolyp moiyndaldy. 2009 jyly BUU Bas assambleiasy biraýyzdan qarar qabyldap, 29 tamyzdy Halyqaralyq iadrolyq synaqtarǵa qarsy kúres kúni dep jariialady. Beibitshilik pen jahandyq qaýipsizdikti nyǵaitýǵa baǵyttalǵan kóptegen basqa bastamalar siiaqty bul bastamany da Elbasy usyndy. Onyń «Manifest. Álem. HHI ǵasyr» baiandamasy Bas assambleia men BUU Qaýipsizdik keńesiniń resmi qujaty mártebesin aldy. Qazirgi geosaiasi turaqsyzdyq jaǵdaiynda Qazaqstannyń bitimger jáne iadrolyq qarýǵa tyiym salý ideiasynyń avtory retinde róli zor. Bul baǵytty 2011-2013 jyldar aralyǵynda BUU Bas hatshysynyń orynbasary jáne Jenevadaǵy BUU Eýropa bóliminiń basshysy bolyp jumys istegen memleket basshymyz Qasym-Jomart Toqaev ta jalǵastyryp keledi», - dedi Temirbolat.
BUU-nyń Jenevadaǵy bas direktory Tatiana Valovaia da Qazaqstannyń iadrolyq qarýsyzdanýǵa qosqan úlesin belgilep, bailanysty odan ári nyǵaitýdyń mańyzdylyǵyn atap ótti.
«Qazaqstan Respýblikasynyń Tuńǵysh Prezidenti – Elbasy kitaphanasymen qarym-qatynas ornatý biz úshin úlken mártebe. N.Á. Nazarbaev – HH ǵasyrdyń aiaǵy men HHI ǵasyrdyń basyndaǵy álemdik deńgeidegi iri saiasatkerlerdiń biri. Onyń esimimen atalǵan mekemeniń arhivi men kitaphanasyn kópshilikke qoljetimdi etý – aqylmen tabylǵan oi. Búginde kitaphana – ári ǵylymi ortalyq, ári mańyzdy halyqaralyq is-sharalardyń uiytqysy. BUU Qazaqstan Respýblikasynyń ekijaqty yntymaqtastyqtaǵy turaqty ustanymyn jáne negizgi bastamalaryn, atap aitqanda qarýsyzdaný, ultaralyq jáne konfessiiaaralyq dialog qurý siiaqty ideialaryn joǵary baǵalaidy. Zertteýshilerdiń bizdiń kitaphanaǵa da, Elbasy kitaphanasyna qyzyǵýshylyǵy zor», - dep atap ótti Valovaia.
Ol 1946 jyly Ulttar Ligasynyń barlyq arhivi men basylymyn qolǵa alǵan BUU kitaphanasy men arhivi qazirgi ýaqytta qoryn tsifrlandyrý boiynsha aýqymdy jobany júzege asyryp jatqanyn aitty. Endi biregei materialdar álemniń kez kelgen jerindegi zertteýshilerge ashyq bolady. Búginde BUU kitaphanasy men arhivi qorynda 17 millionnan astam kitap bar. Kezdesýde kitaphanalar arasynda elektrondy kitap almasý usynyldy.
Óz kezeginde Jenevadaǵy BUU keńsesi kitaphanasy men arhiviniń direktory Franchesko Pizano bylai dedi: «Qarýsyzdaný jáne iadrolyq qarýdy taratpaý – BUU keńsesi kitaphanasy men arhivi qyzmetiniń mańyzdy baǵyttarynyń biri. Kóptegen materialdar, qujattar men kitaptar atalǵan máselelerdi qamtidy. Sondyqtan da Qazaqstan Respýblikasynyń Tuńǵysh Prezidenti – Elbasy kitaphanasynyń da bul máselelermen ainalysatynyna qýanyp otyrmyz. Bul múddemizdiń yntymaqtastyǵymyzdy nyǵaitatynyna senimdimin».
Esterińizge salsaq, aǵymdaǵy jyldyń 30 tamyzy men 1 qyrkúiegi aralyǵynda Elbasy kitaphanasy Jeneva qalasynda halyqaralyq uiymdardyń ókilderimen birqatar is-shara men kezdesý ótkizbek. Olardyń aiasynda jahandyq jáne aimaqtyq qaýipsizdiktiń, arhivtik jáne tarihi zertteýlerdiń, diplomatiia men halyqaralyq qatynastardyń máselelerine qatysty yntymaqtastyqty damytýǵa baǵyttalǵan qujattarǵa qol qoiylady.
Búgin Elbasy kitaphanasy Jeneva saiasat jáne qaýipsizdik ortalyǵymen yntymaqtastyq memorandýmyna qol qoidy.
Erteń, 31 tamyzda Semei iadrolyq poligonynyń jabylýynyń 30 jyldyǵyna jáne 29 tamyz – Iadrolyq synaqtarǵa qarsy halyqaralyq kúres kúnine orai Jenevada «Qazaqstan – BUU: Beibitshilik úshin seriktestik» halyqaralyq konferentsiiasy ótedi.
Konferentsiia barysynda aǵylshyn tilindegi «Iadrolyq qarýsyz álemge betburys: Elbasy bastamalary» ǵylymi jinaǵynyń tusaýkeseri ótedi.
