Elbasy Nursultan Nazarbaev keleshek urpaqqa arnalǵan joldaýy bar «ýaqyt kapsýlasyn» saldy, dep habarlaidy "Ult aqparat" Aqordaǵa silteme jasap.
Qazaqstannyń Tuńǵysh Prezidenti rásimge qatysýshylar aldynda sóilegen sózinde qazaqstandyqtardyń bolashaq urpaǵy úshin bul joldaýdyń erekshe máni bar ekenin aitty.
– Táýelsizdik jyldarynda Qazaqstannyń baǵyndyrǵan belesteri az emes. Aǵa býyn búgingi jastardyń baqytty ómir súrýi úshin bizdiń qandai qiyn kezeńderdi bastan ótkergenimizdi jaqsy biledi. Biz elimizdiń igiligi úshin jumys istedik. Qazaqstandy álemge tanyttyq, – dedi Elbasy.
Nursultan Nazarbaev qazaqstandyqtardyń qazirgi urpaǵynyń keleshek ósip-órkendeýi úshin zor múmkindikteri bar ekenin atap ótti.
– Men óz maqsatymyzǵa qol jetkizgenimiz úshin óte qýanyshtymyn. Bul kapsýla 30 jyldan keiin ashylady. Osy jyldar ishinde kóp nárse bolýy múmkin. Biraq, Qazaqstan jáne onyń azamattary óz damý jolymen ilgerileýin jalǵastyra beretin bolady, – dedi Qazaqstannyń Tuńǵysh Prezidenti.
Sońynda Elbasy qazirgi jastardyń Qazaqstandy nyǵaityp, órkendetý úshin eńbek ete beretinine senim bildirdi.
