«Samuryq-Qazyna» ulttyq ál-aýqat qoryn basqarý jónindegi keńestiń Tóraǵasy «QazMunaiGaz» Ulttyq kompaniiasy» Aktsionerlik qoǵamynyń basqarma tóraǵasy Alik Aidarbaevty qabyldady. Bul týraly Elbasy saity habarlady.
Kezdesýde Nursultan Nazarbaevqa ulttyq kompaniianyń 2021 jylǵy jumysynyń nátijesi men qazirgi qyzmeti týraly aqparat berildi.
«Ótken jyl bárimiz úshin synaqqa toly boldy. Pandemiia ekonomikaǵa keri áserin tigizdi. Sonymen qatar munai baǵasy tómendedi. Kóptegen kompaniialar qiyndyqqa tap boldy. Qazir jaǵdai birtindep qalpyna kelip jatyr», – dedi Elbasy.
A.Aidarbaev daǵdarysqa qaramastan ulttyq kompaniia qarjylyq turaqtylyqty saqtap qalǵanyn jáne qazir pandemiiaǵa deiingi kórsetkishterge qol jetkizý úshin jumys istep jatqanyn baiandady. Sondai-aq kezdesýde «QazMunaiGaz» kompaniiasy júzege asyryp jatqan iri investitsiialyq jáne infraqurylymdyq jobalar týraly aityldy.
