QR Tuńǵysh Prezidenti – Elbasy qazaqstandyqtardy Otan qorǵaýshy merekesimen quttyqtady, dep habarlaidy "Ult aqparat" Elbasynyń resmi saityna silteme jasap.
«Qurmetti qazaqstandyqtar! Barshańyzdy Otan qorǵaýshy kúnimen quttyqtaimyn! 1992 jyly 7 mamyrda men Qazaqstan Respýblikasynyń Qarýly kúshterin qurý týraly Jarlyqqa qol qoidym.
Táýelsizdik alǵan sátten bastap biz elimizdiń áskeri qaýipsizdigin qamtamasyz etýge, qarýly qaqtyǵystardyń aldyn alýǵa, Qarýly kúshterdi damytý máselelerine árdaiym erekshe mán berdik.
Qýatty jáne qabiletti armiia – egemen eldiń mańyzdy atribýtynyń biri.
Qazaqstan armiiasy zaman talabyna sai qarý-jaraqpen jabdyqtalǵan. Turaqty túrde oqý-jattyǵý uiymdastyrylyp otyrady. Áskeri qyzmetshilerdi áleýmettik qoldaýǵa erekshe kóńil bólip kelemiz.
Áskeriler beibit zamanǵa laiyq erlik tanytyp, aldyna qoiylǵan barlyq mindetti abyroimen atqarýda. Qazirgi tańda olardyń kóbi quqyqtyq tártipti qamtamasyz etip, pandemiiaǵa qarsy is-sharalardyń aldyńǵy shebinde koronavirýs indetimen kúresip júr.
Qadirli Otan qorǵaýshylar, týǵan ólkeniń tynyshtyǵyn abyroimen kúzetińizder. Jaýapkershilik, ádildik pen partiotizmniń jarqyn úlgisin kórsete berińizder.
Bizdiń ortaq boryshymyz – halqymyzdyń basty qundylyqtary bolyp sanalatyn birlikti, táýelsizdik pen turaqtylyqty kózdiń qarashyǵyndai saqtaý.
Mereili mereke qutty bolsyn, ardaqty otandastar!
Barshańyzǵa zor densaýlyq, kúsh-qairat pen baq-bereke tileimin!»,-delingen Elbasynyń quttyqtaýynda.
