Foto: Polisia.kz.
Qazaqstannyń Tuńǵysh Prezidenti Nursultan Nazarbaev qańtar aiynda bolǵan jappai tártipsizdikter týraly pikir bildirdi, dep habarlaidy Sputnik Qazaqstan.
"Qańtar oqiǵasy búkil Qazaqstandy dúr silkindirdi. Buǵan deiin atap ótkenimdei, uiymdastyrylǵan tártipsizdikter men Qazaqstanǵa qarsy shabýyldyń maqsaty eldiń astań-kesteńin shyǵaryp, memlekettiń tutastyǵyn buzý boldy. Bul tragediia bárimiz úshin sabaq boldy. Osy búlik pen adam óltirýdiń artynda kim turǵanyn anyqtaý mańyzdy. Tergeý bul suraqqa jaýap beretinine senimdimin", - dedi Nazarbaev saiasattanýshy Daniiar Áshimbaevqa bergen suhbatynda.
Ol quqyq qorǵaý organdary elde daiyndalyp jatqan tártipsizdikterden nege beihabar bolǵanyn anyqtaý qajet ekenin atap ótti.
Sondai-aq Nazarbaev qańtar oqiǵasy kezinde el arasynda taraǵan túrli qaýesetke nege jaýap bermegenin aitty.
"Dál sol sátte men úshin túrli sybystarǵa jaýap berý emes, bizdiń prezidentke qoldaý kórsetý mańyzdy boldy. Men oǵan Qaýipsizdik keńesi tóraǵasynyń ókilettigin tapsyrdym. Prezidenttiń batyl áreketiniń arqasynda jaǵdaidyń odan ári ýshyǵýyna jol berilgen joq", - dedi Tuńǵysh Prezident.
