Elbasy ishki saiasattyń basym baǵyttaryn naqty aiqyndai alatyn erekshe qabiletke ie. Mundai pikirdi QR Tuńǵysh Prezidentiniń Qory janyndaǵy Álemdik ekonomika jáne saiasat institýtynyń sarapshysy Lidiia Parhomchik bildirdi, dep habarlaidy QazAqparat.
«Nursultan Nazarbaev memlekettiń básekege qabilettiligi onyń negizgi damý resýrsy – jastardyń talanty jáne shyǵarmashylyǵymen aiqyndalatynyn birneshe márte aitqan bolatyn. Tek laiyqty kadrlar rezervin qalyptastyrǵan kezde ǵana memlekettiń turaqty damýyna senimdi qaraýǵa bolady. Mundai oimen kelispeýge bolmaidy. Elbasynyń ishki saiasattyń basym baǵyttaryn naqty aiqyndai alatyn erekshe qabiletke ie ekeni sózsiz. Onyń táýelsiz Qazaqstandy qurýǵa qosqan úlesin baǵalaý qiyn», - deidi Lidiia Parhomchik.
Sarapshynyń aitýynsha, Elbasynyń tulǵalyq aýqymy Qazaqstanǵa aimaq memleketteriniń arasynda aldyńǵy qatarly ekonomikalyq pozitsiialarǵa ie bolýǵa múmkindik berip qoimai, halyqaralyq arenada joǵary bedelge qol jetkizýge jol ashty.
«Qazaqstannyń Tuńǵysh Prezidenti - Nursultan Nazarbaev óziniń prezidenttikten ketý týraly sheshimin jas saiasatkerlerdiń el basqarý isine qatysýǵa múmkindik berý qajettiligimen bailanystyrady. Álemdik geosaiasi keńistik jyldam ózgerýde. Bul, oilaý júiesiniń ikemdi bolýyn jáne júrip jatqan protsesterge joǵary deńgeide qatysýdy qajet etedi. Kez kelgen memlekettiń saiasi júiesi ózgeristerdi qajet etedi», - deidi sarapshy.
Ol Elbasy «Nur Otan» saiasi partiiasynyń basshysy retinde uiymnyń jańǵyryp, jasaryp turýy kerek ekenin aitqan.
«Qazaqstannyń Tuńǵysh Prezidenti partiialyq institýttar jumysynyń ádettegidei qalyptasyp qalǵan sharalary ózektiligin tez joǵaltady dep sanaidy. «Nur Otan» naqty ister partiiasynyń mártebesin saqtaý úshin jańa jáne shyǵarmashylyq kózqaras qajet. Qoǵamnyń naqty qajettilikterin naqty túsinýge qabiletti basqarýshylardyń jańa býyny eldiń áleýmettik-ekonomikalyq damýyn tezdetýi kerek. Jas jáne belsendi kóshbasshylar joǵary basshylyq qatarynda laiyqty oryndaryn alýy tiis«, - deidi sarapshy.
.jpeg)