Órship kele jatqan birqatar problemada konstrýktivti sheshim tabý barynsha kúrdelenýde.
Bul týraly búgin «Astana» klýbynyń ekinshi otyrysynda Qazaqstan Prezidenti Nursultan Nazarbaev aitty, dep habarlaidy QazAqparat.
«HHI ǵasyrdaǵy álem damýynyń filososfiiasy mynadai: jańa dáýir týady, biz munyń barlyǵyn bilemiz. Órship kele jatqan birqatar problemada konstrýktivti sheshim tabý barynsha kúrdelenýde. Búginde eshkim bizge 2008 jyly bastalyp, osy kúnge deiin jalǵasyp kele jatqan mundai daǵdarystan qalai shyǵýdyń retseptin aita almaidy. Bul biznestiń bir bóliginiń, búkil álemdegi saiasi jáne sarapshylyq ortanyń melshigen kúige túsýine ákelýde», - dedi Nazarbaev.
Memleket basshysynyń paiymynsha, dál osy jaittan búginde geoekonomikalyq jáne geosaiasi qorqynysh paida bolyp otyr.
«Munai men metall qunynyń kúrt quldyrap, qarjy naryqtary, ulttyq valiýtalar qulady, álemdik saýda ósimi qarqyny tómendedi, oǵan ózara sankiialar saiasaty da keri áserin tigizýde. Bul zamanaýi, jahandyq ekonomikaǵa táýekel ekendigi sózsiz. Biraq bul tuiyqtalǵan jait emes», - dedi Elbasy.
Sondyqtan QR Prezidenti ekonomikalyq ósimniń jańa núktelerin tabý, halyqtar men elder arasyndaǵy ózara tiimdi yntymaqtastyqtyń jańa shegin aiqyndaý mańyzdylyǵyn airyqsha atap ótti.
Aita keteiik, halyqaralyq deńgeidegi sharaǵa álemniń 50-den astam sarapshysy, saiasi jáne qoǵam qairatkerleri, 21 eldiń ǵalymdary, sonymen birge qazaqstandyq jetekshi sarapshylar qatysýda.
«Astana» klýby QR Tuńǵysh Prezidenti - Elbasy qorynyń jetekshi halyqaralyq ǵylymi ortalyqtar - Qytai qazirgi zamanǵy halyqaralyq qatynastar akademiiasy, Germaniia syrtqy saiasat keńesi, Resei halyqaralyq ister keńesi jáne Halyqaralyq beibitshilik úshin Karnegi qorymen birlesip qurǵan halyqaralyq pikirtalas alańy sanalady.
«Astana» klýbynyń birinshi otyrysy 2015 jylǵy qarashada álemniń 15 elinen kelgen 47 sarapshynyń qatysýymen ótken edi. Onyń barysynda Eýraziia geoekonomikasynyń negizgi aspektileri, ǵalamdyq jáne óńirlik oiynshylardyń múddeleri, ekonomikalyq qaýip-qaterler men múmkindikter talqylanǵan bolatyn.
