Mektep oqýshylarymen erlik sabaǵy bolyp ótti. Elbasy – Qazaqstan Respýblikasynyń Tuńǵysh Prezidenti Nursultan Ábishuly Nazarbaevtyń ómiri men eńbek jolyna arnalǵan is-sharaǵa «Astana» óńirlik qolbasshylyǵy áskerleriniń 06708 áskeri bólimi «Jas zeńbirekshi» áskeri-patriottyq klýbynyń jetekshisi Tilek Kenjebekov qatysty.
«Elin súigen – Elbasy» taqyrybyndaǵy erlik sabaǵyn synyp jetekshisi Asýra Iliiasova ashyp berdi. Atalǵan erlik sabaǵynda aldymen oqýshylarǵa Elbasynyń ómirbaiany jetkizildi.
«Jas zeńbirekshi» áskeri-patriottyq klýbynyń jetekshisi Tilek Kenjebekov sóz sóilep Táýelsiz Qazaqstandy basqarǵan Tuńǵysh Prezidenttiń eńbek jolyna erekshe toqtaldy.
– Halqymyz kóp jyldar boiy óz aldyna erkin el bolýdy armandady. Sol armanǵa Elbasy – Qazaqstan Respýblikasynyń Tuńǵysh Prezidenti Nursultan Nazarbaevtyń arqasynda jettik. Búgingi búkil álem Qazaqstannyń táýelsiz el retinde tanidy. Qazaqstan Respýblikasy kópultty el bolǵandyqtan, beibitshilik pen tatýlyqty berik ustaidy. Sondyqtan da, qadirmendi oqýshylar senderdi de Táýelsiz Qazaqstanymyzdyń kórkeiip damýy jolynda bilim nárimen sýsyndap, el abyroiyn asqaqtatý úshin eńbek etedi degen senimim mol, – dep, kókeiindegi oiyn jetkizdi.
Erlik sabaǵy barysynda Qazaqstan Respýblikasynyń Tuńǵysh Prezidenti Nursultan Ábishuly Nazarbaevqa arnalǵan óleńder oqylyp, oqýshylar topqa bólinip Táýelsiz eldegi 30 jylda atqarylǵan igsi isteri jaily suraq-jaýaptar júrgizdi. Oqýshylar Elbasyna arnalǵan erlik sabaǵyna belsene qatysty.
Dýman Jumashuly,
Priozersk garnizonynyń baspasóz hatshysy
