Elbasy Nursultan Nazarbaev jańa elordanyń salyný tarihy týraly aitty, dep habarlaidy QazAqparat.
«Men elordany aýystyrýdy 1993 jyldan beri oilap júrdim. Aqmolaǵa jaqyn Temirtaý qalasynda 20 jyldai eńbek etkenmin, sondyqtan qala týraly aqparatym bar. Sol jyly kúzde Aqmola qalasyna arnaiy keldim. Qalanyń sheti tolǵan qamys pen batpaq. Qasymda burynǵy oblystyq komsomoldyń hatshysy Braýn (Braýn Andrei Georgievich – avt.) turdy, men oǵan osy jerde astanany turǵyzamyz dedim. Ol maǵan: Nursultan Ábishuly, bul ne degenińiz, bul jerde batpaqtan basqa eshteńe joq», dedi. Rasymen, batpaq pen qamystan basqa eshteńe bolmady. Basynda elordamyz solai boldy. Sodan soń men arab elderine baryp, soltústikte ornalasqan halyq ekenimizdi aityp, bizdi qoldaýyn suradym. Men ol kezde bizdiń elordamyzdyń Shyǵys pen Batysty bailanystyrǵanyn qaladym. Maǵan kópshiligi kómektesti», - dedi Elbasy Nursultan Nazarbaev «Habar» telearnasynda kórsetilgen «Shtrihi k portretý. Otkrovenie» atty derekti filmde.
