ەلباسى ەلوردانى كٶشٸرۋ تۋرالى: قامىس پەن باتپاقتان باسقا ەشتەڭە بولمادى

ەلباسى نۇرسۇلتان نازارباەۆ جاڭا ەلوردانىڭ سالىنۋ تاريحى تۋرالى ايتتى, دەپ حابارلايدى قازاقپارات.

«مەن ەلوردانى اۋىستىرۋدى 1993 جىلدان بەرٸ ويلاپ جٷردٸم. اقمولاعا جاقىن تەمٸرتاۋ قالاسىندا 20 جىلداي ەڭبەك ەتكەنمٸن, سوندىقتان قالا تۋرالى اقپاراتىم بار. سول جىلى كٷزدە اقمولا قالاسىنا ارنايى كەلدٸم. قالانىڭ شەتٸ تولعان قامىس پەن باتپاق. قاسىمدا بۇرىنعى وبلىستىق كومسومولدىڭ حاتشىسى براۋن (براۋن اندرەي گەورگيەۆيچ – اۆت.) تۇردى, مەن وعان وسى جەردە استانانى تۇرعىزامىز دەدٸم. ول ماعان: نۇرسۇلتان ەبٸشۇلى, بۇل نە دەگەنٸڭٸز, بۇل جەردە باتپاقتان باسقا ەشتەڭە جوق», دەدٸ. راسىمەن, باتپاق پەن قامىستان باسقا ەشتەڭە بولمادى. باسىندا ەلوردامىز سولاي بولدى. سودان سوڭ مەن اراب ەلدەرٸنە بارىپ, سولتٷستٸكتە ورنالاسقان حالىق ەكەنٸمٸزدٸ ايتىپ, بٸزدٸ قولداۋىن سۇرادىم. مەن ول كەزدە بٸزدٸڭ ەلوردامىزدىڭ شىعىس پەن باتىستى بايلانىستىرعانىن قالادىم. ماعان كٶپشٸلٸگٸ كٶمەكتەستٸ», - دەدٸ ەلباسى نۇرسۇلتان نازارباەۆ «حابار» تەلەارناسىندا كٶرسەتٸلگەن «شتريحي ك پورترەتۋ. وتكروۆەنيە» اتتى دەرەكتٸ فيلمدە.