Elbasy birqatar kezdesý ótkizdi, dep habarlaidy "Ult aqparat" elbasy.kz saityna silteme jasap habarlaidy.
Elbasy Ulttyq múddeler ortalyǵynyń prezidenti, «The National Interest» jýrnalynyń baspageri Dmitrii Saimspen kezdesti.
Kezdesý barysynda taraptar jahandyq kún tártibine qatysty pikir almasty, sondai-aq álemniń jetekshi derjavalary arasyndaǵy dialogty jolǵa qoiý jónindegi sharalardy talqylady.
Elbasy AQSh-Resei qatynastarynyń sarapshysy retinde Dmitrii Saimstyń «Astana klýbynyń» jumysyna qatysýynyń mańyzdylyǵyn atap ótti.
Sondai-aq, Nursultan Nazarbaev Eýropalyq Komissiianyń burynǵy tóraǵasy Joze Manýel Barrozýmen kezdesti.
Kezdesý barysynda Elbasy Joze Manýel Barrozýǵa «Astana klýbynyń» jumysyna qatysqany úshin alǵysyn bildirdi.
«Bizdiń dostyǵymyz burynnan beri jalǵasýda. Sizdiń Eýropalyq Komissiiaǵa tóraǵalyǵyńyz kezinde biz keńeitilgen seriktestik týraly kelisimge qol qoidyq. Ózińizge belgili, men Eýraziialyq ekonomikalyq odaqtyń qurmetti tóraǵasymyn. Endi bizdiń uiymymyz ben Eýropalyq Odaq arasyndaǵy yntymaqtastyqty jolǵa qoiý mańyzdy», - dedi Qazaqstannyń Tuńǵysh Prezidenti.
Óz kezeginde Joze Mannýel Barrozý Qazaqstannyń Eýropa elderimen seriktestigin qol jetkizilgen kelisim aiasynda odan ári keńeitýdiń mańyzdylyǵyn atap ótti.
