Elbasynyń sarabdal saiasatynyń arqasynda táýelsiz elimizde berik ekonomikalyq negiz qalyptasty.
Tarihi mańyzy asa zor qurylymdyq, konstitýtsiialyq reformalar júrgizilip keledi. Strategiialyq maqsat – 2050 jylǵa qarai álemdegi ozyq damyǵan 30 eldiń qataryna qosylý.
Elbasynyń biylǵy Joldaýy elimizdiń áleýmettik-ekonomikalyq damý máselelerine arnaldy. Munda halyqtyń ál-aýqatyn arttyrý, kásipkerlikti damytý, áleýmettik salany qoldaý máselelerine basa nazar aýdarylǵan.
Eldiń ishki ekonomikasyn damytýda otandyq ónimderge degen suranysty arttyrý joldary da atap kórsetildi. Eń bastysy, bul Joldaýda Qazaqstannyń bolashaqta damý jolynyń baǵyt-baǵdarlary aiqyndalyp, halyqtyń ál-aýqatyn jaqsartýdyń naqty joldary kórsetildi.
Turǵyndardyń áleýmettik jaǵdaiynyń jaqsarýy halyq tabysynyń ósýine negizdelip, óz kásibin jaqsy meńgergen azamattardyń monitoringi jasalýda. Adamdar óz kásibin jaqsy meńgergende jáne laiyqty jalaqy alýǵa nemese jeke kásip ashyp, ony damytýǵa múmkindik bolǵan kezde tabysqa jetetinine erekshe nazar aýdaryldy. Elbasy memleket pen adamdardyń kúsh biriktirýiniń arqasynda ǵana jalpyǵa ortaq eńbek qoǵamyn qura alatynymyzdy jetkizdi.
Joldaýda ekonomikalyq kriteriilerdiń damýyna basymdyq berildi, munyń ózi Qazaqstannyń álemdik keńistikte ulttyq memleket retinde turaqtanýyna dańǵyl jol ashady.
Elbasy, ásirese, ekonomikanyń negizgi qozǵaýshy kúshi sanalatyn shaǵyn jáne orta biznestiń búgingi damýyna toqtalyp, ony ári qarai jandandyrýdyń joldaryn aiqyndady. Sonymen qatar, elimizde sońǵy ýaqytta qolǵa alynǵan «7-20-25» baǵdarlamasyn júzege asyrýda jergilikti ákimderge biýdjet esebinen jeńildetilgen ipoteka boiynsha jarnany ishinara sýbsidiialaý máselesin pysyqtaýdy tapsyrdy. Bul kez kelgen qazaqstandyqtyń nesiege páter alýyna múmkindik beredi.
«Adamdardyń suranysyna beiimdelgen memlekettik apparat halyqtyń memlekettik qyzmetshilerge degen senimin arttyrady» dedi Elbasy. Osy turǵyda sybailas jemqorlyqpen kúres belsendi júrgizilýi tiis.
Elbasy Joldaýynyń basty ereksheligi – el turǵyndaryn tolǵandyrǵan áleýmettik-ekonomikalyq, quqyqtyq máselelerdi jedel ári qoljetimdi etip sheshýge baǵyttalýynda.
Táýelsizdigimizdi saqtap, memleketimizdi órkendetý jolynda Elbasy aiqyndaǵan strategiialyq baǵytty árdaiym ustansaq, uly isterdi, jetistikterdi keiingi urpaqqa úlgi etip jalǵastyrarymyz aqiqat. Bul – ár azamattyń mindeti.
Baqytjan BÝKEBAEV,
Túrkistan qalalyq ishki saiasat bóliminiń basshysy.
