Búgin elordada Qazaqstan musylmandary dini basqarmasynyń 30 jyldyq mereitoiyna orai «Islam – mádeniet pen izgiliktiń bastaýy» atty imamdardyń IV respýblikalyq onlain forýmy ótti. Imamdarǵa Qazaqstannyń Tuńǵysh Prezidenti – Elbasy Nursultan Nazarbaev quttyqtaý hatyn joldady.
Memlekettik hatshy Qyrymbek Kósherbaev Elbasynyń QMDB-nyń 30 jyldyq mereitoiyna joldaǵan quttyqtaý sózin oqyp berdi.
Elbasy forýmnyń jyl saiyn ótkizilýi qoǵamda jaqsy dástúrge ainalyp kele jatqanyna erekshe mán berip, memleket tarapynan árqashan din salasyna erekshe kóńil bólinetinin jetkizdi.
Aita ketsek, forým maqsaty – musylman qaýymy arasynda ulttyq rýhani dástúrlerge negizdelgen dini rásimder men joralardyń mádenietin qalyptastyrý jáne ziiatker imam mártebesine laiyqty din qyzmetkerlerin irikteitin qujattar qabyldaý.
Forým qorytyndysy boiynsha «As berý mádenieti», «Zirat jáne ziiarat mádenieti», «Ziiatker imam» qujattary qabyldanady.
Atalǵan qujattar jurtshylyq arasynda oryndalatyn dini rásimderdi birizdilikke keltirýge jáne ziiatker imam mártebesin berýge laiyqty din qyzmetkerlerin irikteýge oń yqpalyn tigizbek.
.jpeg)