QR Prezidenti Nursultan Nazarbaev kórmeniń basty nysany bolyp tabylatyn «Nur Álem» pavilonyn aralady. Bul - diametri 80 metr shar túrinde salynǵan álemdegi birden-bir ǵimarat, dep habarlaidy Aqordanyń baspasóz qyzmeti.
Pavilonda «Bolashaqtyń energiiasy mýzeii» ornalasady, onda Qazaqstanmen tanysý aimaǵy bolady, sondai-aq energiianyń negizgi túrleri usynylady.
Qazaqstan Prezidentine «Bolashaq Astana - Qazaqstannyń 2050 jylǵy elordasy» ekspozitsiiasy, ǵarysh energiiasy zaly, qazaqstandyq 28 ǵylymi jobany jáne «Jasyl ekonomika» tujyrymdamasy jónindegi jobalardy qamtityn «Jasampaz energiia» aimaǵy, sondai-aq Qazaqstannyń «Tokamak» materialtaný termoiadrolyq reaktorynyń modeli, energetika men qorshaǵan ortany qorǵaý salasyndaǵy Memleket basshysynyń bastamalary kórsetilgen mediaqabyrǵa tanystyryldy.
Sonymen qatar, Nursultan Nazarbaev kórme kesheniniń Kongress-ortalyǵynda bolyp, «Shańyraq», «Aspan» zaldaryn, VIP-terrasany, Kontsert zalyn kórdi. Kongress-ortalyq kópfýnktsionaldy mádeni ári oiyn-saýyq ortalyǵy bolyp sanalady. Onda 2 192 orynǵa arnalǵan kórermender zaly jáne 4 konferents-zal bar.
Qazaqstan Prezidentine kórmeniń ashylý rásimi qalai ótetini kórsetildi.
