- Kezdesýde Baýyrjan Baibek Memleket basshysyna 2017 jyly Almatyda ótetin 28-shi Dúniejúzilik qysqy ýniversiadaǵa daiyndyq barysy týraly baiandady, dep habarlaidy "Ult aqparat" Aqordanyń baspasóz qyzmetine silteme jasap.
Almaty qalasynyń ákimi ýniversiadany ótkizýge daiyndyqtyń kestege sáikes júrip jatqanyn aitty.
Sondai-aq, B.Baibek Qazaqstan Prezidentine aldaǵy ýniversiadaǵa álemniń 57 eliniń ókilderi qatysýǵa niet bildirgenin málimdedi.
Ákimniń aitýynsha, Halyqaralyq stýdenttik sport federatsiiasy Ýniversiada-2017 stýdenttik oiyndar tarihyndaǵy eń iri jarys bolýǵa tiis dep boljap otyr.
Budan bólek, Baibek Nursultan Nazarbaevty Almaty qalasynyń áleýmettik-ekonomikalyq damýy barysynan habardar etti.
Biylǵy 9 aidyń qorytyndysy boiynsha, qalanyń óńirlik jalpy ónim kólemi 2,8%-ǵa artqan, shaǵyn jáne orta biznesti nesieleý 35%-ǵa ósip, 20 myńnan astam jańa jumys orny ashylǵan, sondai-aq qalanyń shaǵyn jáne orta biznes sýbektileri óniminiń kólemi 30%-ǵa artqan.
Kezdesý qorytyndysy boiynsha Elbasy birqatar naqty tapsyrma berdi.
