El turǵyndarynan tirkelmegen 428 qarý tárkilendi. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy QazAqparat.
Onyń atap ótýinshe, elimizdiń aýmaǵynda 3 ai boiy júrgizilgen «Ýchaske» jedel aldyn alý is-sharasy barysynda turǵylyqty jeri boiynsha 200 myńnan astam azamattyq qarý iesi tekserildi. 3 myńǵa jýyq atys qarýyn saqtaý erejesin buzý anyqtaldy. Ainalymnan tirkelmegen 428 qarý tárkilendi.
«Operatsiia bastalǵannan beri politsiia qyzmetkerleri 500 myńnan astam ákimshilik quqyq buzýshylyqtyń, onyń ishinde 8 myńnan astam usaq buzaqylyqtyń joly kesti. Sondai-aq otbasylyq-turmystyq saladaǵy 11 myńnan astam quqyq buzýshylyqtyń jáne kóshi-qon zańnamasyna qatysty 82 myńnan astam zań buzýshylyqtyń aldyn aldy»,- dedi Nurdildá Oraz IIM baspasóz alańynda ótken brifing barysynda.
